Popularne wersety biblijne z Yuḥanna 10

Udostępnij

Netta aceffar itas-d ɣir aḏ yacar aḏ ineɣ aḏ ihḏem. Nec usiɣ-d ḥima aɣarsen ṯiȓi ṯuḏarṯ nni n ṯuḏarṯ bȓa ȓeqyas.

Nec ig yarewwsen ḏ ṣṣaḥ. Wenni ig yarewwsen ḏ ṣṣaḥ itṣeddaq ṯuḏarṯ nnes x iḥuȓiyen nnes.

Iḥuȓiyen inu tesȓan ɣar ṣṣut inu, ssneɣ-ṯen niṯni ḏeffaren-ayi.

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Nec ḏ ṯawwarṯ, wenni zzayi ɣa yaḏfen aḏ injem. Aḏ yiȓi amecnaw ijjen n uḥuȓi itaḏef iteffeɣ itaf min ɣa icc.

Nec ḏ wenni iy ṯen yarewwsen ḏ ṣṣaḥ. Ssneɣ iḥuȓiyen inu iḥuȓiyen inu ssnen-ayi, mammec ḏayi issen Baba nec ssneɣ-ṯ. Ṯuḏarṯ inu, tṣeddaqeɣ-t x iḥuȓiyen inu.

Ḏ Baba iy ḏayi ṯen yucin u netta ḏ ameqqran zi kuȓci. War izemmar uȓa ḏ ijjen aṯen ixḍef zeg ufus n Baba. Nec ḏ Baba ḏ ijjen."

Nec ḏ wenni iy ṯen yarewwsen ḏ ṣṣaḥ. Ssneɣ iḥuȓiyen inu iḥuȓiyen inu ssnen-ayi, mammec ḏayi issen Baba nec ssneɣ-ṯ. Ṯuḏarṯ inu, tṣeddaqeɣ-t x iḥuȓiyen inu.

Uȓa ḏ ijjen war zzayi t itekkes ca; Lla, nec tṣeddaqeɣ ṯuḏarṯ inu s ȓxaḍar inu. Ɣari jjheḏ ḥima at ṣeddqeɣ. Ɣari jjheḏ ḥima atid arreɣ ƹaweḏ. Ammu iy ḏayi iweṣṣa Baba."

Inna-asen Ƹisa ƹaweḏ: "Aqa tesȓam ȓḥaqq: Nec ḏ ṯawwarṯ n ȓkuri.

Axeddam maci am wenni yarewwsen iḥuȓiyen nnes nniṯ. Axeddam, meȓa iẓra uccan yusa-d aḏ ismeḥ ḏeg iḥuȓiyen nni aḏ yarweȓ. Uccan aḏ ihjem x iḥuȓiyen aṯen iƹzeȓ x wayawya.

"Aqa tesȓam ȓḥaqq: Wenni war itiḏfen ca zi ṯewwarṯ n ȓkuri n iḥuȓiyen itgaƹƹaḏ manis nneɣni, netta itwaḥsab ḏ aceffar ḏ axewwan.