1
Mat 7:7
YÎ NA MAVUKU MA NDIŨTELOKANONI
KAMBA
“Ĩtyai Ngai kĩla mũkwenda na akamũnenga; manthai na mũkakwata; vingũsyai kwake, na mũkavingũĩwa.
2
Mat 7:8
Nũndũ mũndũ ũla wĩtasya Ngai kĩndũ o na kĩva nũnengawe; ũla ũmanthaa, nũkwataa; ũla ũvingũasya kwake, nũvingũĩawa.
3
Mat 7:24
“Kwoou ĩndĩ, mũndũ ũla wĩthukĩĩasya momanyĩsyo aa makwa na kwĩka ũndũ mekwasya, avw'ana mũndũ ũmwe waĩ mũĩ ũla waakie nyũmba yake ĩvianĩ.
4
Mat 7:12
“Kwoou ĩkaai andũ ala angĩ o ũndũ mwenda mo mamwĩkae, nũndũ ũu nĩw'o Mĩao ya Mwose na momanyĩsyo ma athani mekwasya.
5
Mat 7:14
Ĩndĩ kamũlomo ka kũlika thayũnĩ ũtathela nĩ katheke, na kasĩla kala kaendete vo ke vinya kũatĩĩkĩka. No andũ anini makonaa.
6
Mat 7:13
“Likĩlai kamũlomonĩ kala katheke, nũndũ mũomo wa kũlika wanangĩkonĩ nĩ mũthanthau, na nzĩa ĩla ĩendete vo yĩ laisi kwĩsĩla. Andũ aingĩ nĩmesĩlaa nzĩanĩ ĩsu.
7
Mat 7:11
Ethĩwa inyw'ĩ ĩndĩ mũthũkĩte ũndũ mũthũkĩte nĩmwĩsĩ kũnenga syana syenyu syĩndũ nzeo, Ĩthe wenyu ũla wĩ ĩtunĩ akamanenga syĩndũ nzeo mũno mbeange ata andũ ala mamwĩtasya!
8
Mat 7:1-2
“Mũikasilĩle andũ ala angĩ, nĩ kana o nenyu mũikasilĩlwe nĩ Ngai. O ũndũ mũsilĩlaa andũ ala angĩ, now'o o nenyu mwĩsilĩlwa nĩ Ngai, na akamwĩka o ũndũ mwĩkaa andũ ala angĩ.
9
Mat 7:26
“Nake mũndũ ũla wĩthukĩĩasya momanyĩsyo aa makwa na ailea kwĩka ũndũ mekwasya, avw'ana mũndũ ũmwe waĩ mũtumanu ũla waakie nyũmba yake kĩthangathĩnĩ.
10
Mat 7:3-4
Nĩkĩ ũkwona kaũvavathĩ ke ithonĩ ya mũnyanyau na ndũkwona kĩting'ĩ kĩla kĩ ithonĩ yaku? Ũtonya ata kwĩa mũnyanyau atĩĩ, ‘Eka ngumye kaũvavathĩ kau ke ithonĩ yaku,’ o yĩla ve kĩting'ĩ kĩ ithonĩ kwaku?
11
Mat 7:15-16
“Ĩsũvĩanei na athani ma ũvũngũ! Mokaa kũla mũĩ mevw'ĩkĩte ũa wa ĩlondu, ĩndĩ nthĩnĩ nĩ nzũi mbai. Mũkamamanya kwĩsĩla mekonĩ moo. Nzavivũ syaatuwa kĩthiianĩ, kana makũyũ makatuwa kĩkondunĩ?
12
Mat 7:17
Mũtĩ mũseo wĩthĩawa na ũsyao mũseo, ĩndĩ mũtĩ mũthũku wĩthĩawa na ũsyao mũthũku.
13
Mat 7:18
Mũtĩ mũseo ndũtonya kwĩthĩwa na ũsyao mũthũku, o tondũ naw'o mũtĩ mũthũku ũtatonya kwĩthĩwa na ũsyao mũseo.
14
Mat 7:19
Mũtĩ ũla ũtasyaa ũsyao mũseo nũtemawa na kwĩkw'a mwakinĩ.