Popularne wersety biblijne z ABARUMI 12

Udostępnij

Gose timwereng’ania ne chingencho chi’ense eye; korende moonchorwe, mokorwe koba abayia ase emioyo yaino, monyare korigia na komanya boronge ogwancha kwa Nyasae, na erire rigiya, na eriranchwe, na oboikeranu.

Gaki baminto, nabasoroire mono ase amabera a Nyasae, morue emebere yaino ebe ekeng’wanso kere moyo, egechenu, ekeranyare gwanchwa na Nyasae, nakio ogosasima kwaino gw’ekeene.

Mogoke ase ogosemeria, moremererie ase emechando, mogenderere nogosaba.

Tobugwa nobobe, korende obue obobe ase obuya.

Obwanchani bw’obomino bobe ase egati yaino; mobe abe ritang’ani kworokia abamino amasikani.

Obwanchani bobe botari nobong’ainereria. Gecha erire riibe, bwatana nerire rigiya.

Keranyarekane ase ensemo yaino, mobe nomorembe nabanto bonsi.

Abanchwa, timorigia kweruseria egesiomba, tiga ribaga ase endamwamu ya Nyasae, ekiagera nerikire, “Omonene otebire: Egesiomba nekiane; inche ning’akane.”

Ase omokia oino timoba aboro; mobe nomoika ogwoka, mogokorera Omonene.

Naki ase obuya naetwe nigo ngotebia kera omonto oyore asemore, tabaisa kweenenia ere omonyene ase ebirengererio biaye kobua buna emogwenerete korengereria; korende abe nebirengererio ebironge koreng’ana buna Nyasae aeire kera omonto ekerengo gi’okwegena.

Timoakana omonto obobe ase obobe, tang’ania ayere amaya ase amasio ’abanto bonsi.

Mobe nomoyo oyomo inwe ase inwe. Timorengereria ayare amanene, korende mosange nabare noboitongo. Timoba abanto bakoenenera obong’aini.

Naboigo, “Omobisa oo karabe nenchara, moragerie, karabe nerang’o, moe anywe, ekiagera korakore ayio, nomobekere amakara ’omorero ase omotwe oye.”

Mosesenie abwo bakobachanda; basesenie, timobaragereria. Goka amo nabwo bakogoka; rera amo nabwo bakorera.

Mobe ang’e gokonya abachenu ase okoremerwa kwabo, mobe abanyamokia ase okoroisia abageni.

Naki buna ase omobere tore nebiimo ebinge, na birobio tibiri gokora omoremo oyomo; naboigo naintwe, nonya tore abange, nigo tore omobere oyomo ase Kristo, na intwe twensi nigo tore buna ebiimo kera oyomo ase oyomwabo.