Popularne wersety biblijne z विलापगीत 1

Udostępnij

जो यरुशलेम नगरी माणसां तै भरी पड़ी थी वा इब किसी एक्ली बैठी सै! वा क्यूँ एक बिधवा की तरियां बणगी? वा जो घणखरी जातियाँ की निगांह म्ह महान अर सारे प्रान्तां म्ह राणी थी, इब कर देण आळी क्यूँ होगी सै।

रात नै वा फूट-फूटकै रोवै सै, उसके आँसू गाल्‍ला पै तै पड़ै सै; उसके सारे मित्तरां म्ह तै इब कोए उस ताहीं शान्ति न्ही देन्दा; उसके सब मित्तरां नै उसतै धोक्खा करया, अर उसके दुश्मन बणगे सै।

हे यहोवा, निगांह कर, क्यूँके मै मुसीबत्त म्ह सूं, मेरी आत्ड़ियाँ ऐंठी जावै सै, मेरा मन उल्ट ग्या सै, क्यूँके मन्‍नै घणा बिश्वासघात करया सै। बाहर तो मै तलवार तै बेबस होऊँ सूं; अर घर म्ह मौत बैठ्ठी सै।