Popularne wersety biblijne z दानिय्येल 6

Udostępnij

जिब दानिय्येल नै बेरा लाग्या के उस चिट्ठी पै दस्तखत करया गया सै, फेर वो अपणे घर म्ह गया जिसकी ऊपरी कोठड़ी की खिड़कियाँ यरुशलेम की और खुली रहवै थी, अर अपणी रीति कै मुताबिक जिसा वो दिन म्ह तीन बार अपणे परमेसवर कै स्याम्ही घुटने टेककै प्रार्थना अर धन्यवाद करया करदा, उसे तरियां फेर भी करदा रह्या।

मेरे परमेसवर नै अपणा दूत भेजकै शेरां के मुँह नै इसा बन्द कर राख्या सै के उननै मेरा कुछ भी नुकसान न्ही करया; इसका कारण या सै, के मै उसकै स्याम्ही निर्दोष पाया गया; अर हे राजा, तेरै स्याम्ही भी मन्‍नै कोए भूल न्ही करी।”

मै या हुकम दियुँ सूं के जड़ै-जड़ै मेरे राज्य का हक सै, ओड़ै के माणस दानिय्येल के परमेसवर कै स्याम्ही काँम्बदे अर थरथरान्दे रहवै, क्यूँके जिन्दा अर युगानुयुग ताहीं रहण आळा परमेसवर वोए सै; उसका राज्य अविनाशी अर उसकी प्रभुता सदा बणी रहवैगी। जिसनै दानिय्येल ताहीं शेरां तै बचाया सै, वोए बचाण अर छुड़ाण आळा सै; अर सुर्ग म्ह अर धरती पै निशानियां अर चमत्कारां का प्रगट करण आळा सै।”

फेर राजा नै अपणे नौकरां ताहीं हुकम दिया, अर उननै दानिय्येल ल्याकै शेरां की माँद म्ह गेर दिया गया। उस बखत राजा नै दानिय्येल तै कह्या, “तेरा परमेसवर जिसकी तू लगातार उपासना करै सै, ओड़ै तेरे ताहीं बचावै!”