Popularne wersety biblijne z Secunnu Matteu 14

Udostępnij

Vidennu però, ca lu ventu era forti, si scantau: e comu accuminzau ad affunnari, gridau dicennu: Signuri, sarvami. E subitu Gesù stinnennu la manu, l’ affirrau: e cci dissi: O di poca fidi, pirchì dubbitasti?

Vidennu però, ca lu ventu era forti, si scantau: e comu accuminzau ad affunnari, gridau dicennu: Signuri, sarvami.

Allura Gesù cci parrau, dicennu: Facitivi curaggiu: iu sugnu, nun aviti paura.

Ma Petru cci rispusi, e dissi: Signuri, si sì tu, cumanna, ca iu ti vinissi ncontru supra l’ acqua. Ed iddu dissi: Veni. E Petru scinnennu di la varca, caminava supra l’ acqua pri jiri versu Gesù.

Ma chiddi, ca eranu ntra la varca, s’ avvicinaru, e l’ aduraru, dicennu: Sì veru Figghiu di Diu.

Gesù però cci dissi: Nun hannu bisognu di jirisinni: daticci vuautri a manciari. Cci rispusiru: Ccà nun avemu ca cincu pani, e dui pisci.

Ed iddu cci dissi: Purtatimilli ccà. Ed avennu cumannatu a li turbi d’ assittarisi supra l’ erva, pigghiau li cincu pani, e li dui pisci, e guardannu ’n celu fici la binidizioni, e rumpiu, e detti lu pani a li discipuli, e li discipuli a li turbi.

E manciaru tutti, e si saziaru. E cugghieru di restu dudici cufini chini di tozzi.