Popularne wersety biblijne z Secunnu Matteu 10

Udostępnij

Eccu ca iu vi mannu comu li pecuri mmenzu di li lupi. Siati dunca prudenti comu li sirpenti, e simplici comu li palummi.

Cu’ cerca di sarvari la so vita, la pirdirrà: e cui pirdirrà la so vita pri causa mia, la truvirrà.

E nun abbiati paura di chiddi, chi ammazzanu lu corpu, giacchì l’ anima nun la ponnu ammazzari: ma cchiuttostu scantativi di chiddu, chi pò fari perdiri l’ anima, e lu corpu ntra l’ infernu.

E cui nun pigghia la so cruci e mi sequita, nun è dignu di mia.

Addunca cui m’ avrà ricanusciutu avanti a l’ omini, anch’ iu lu ricanuscirrò avanti a me Patri, ca è ntra li celi: Accussì cui mi avrà rinigatu avanti a l’ omini, iu anchi lu rinighirrò avanti a me Patri, ca è ntra li celi.

Curati l’ infirmi, risuscitati li morti, munnati li libbrusi, cacciati li dimonj: comu aviti ricivutu gratis, dati gratis.

Nun aviti perciò paura: vuautri siti megghiu di tanti passari.

Nun vugghiati cridiri, ca iu fussi vinutu a mettiri la paci ’n terra: nun sugnu vinutu a mettiri la paci, ma la spata.