Chaypina Tata Diospa Espiritunka Felipitaka willarkan:
—Mash chay karruta ladunchay.
Chaypina Felipi ladunchashpa uyarirkan chay ñawpa Isaiyaspa killkadunta leyiykaptin. Chaypina chay runataka tapurkan:
—¿Ariya entiendinkichu kay killkadu leyiykanaykita?
Chashna tapuptinna chay runaka aynirkan:
—Mana ni pi yachachiwaptinka ¿imashnatí atipasha entiendiyta?
Chaypina Felipita roygarkan karrunpi yaykushpa ladunpi tiyarinanpa.