Popularne wersety biblijne z MARCOS 16

Udostępnij

Paykunamantaq ajinata nirqan: “Tukuy kaypachaman puriychis, jinaspataq sumaq willaykunata tukuyninkuman willamuychis.

Kay rikuchiykunataq nuqapi iyaw niqkunawan kuskam kanqa: Nuqapaq sutiypi millay saqra supaykunata chhuqarqunkichis; musuq simikunata rimankichis; makiykichiswan pallikunata jap'inkichis; wañuchiq jampikunata ujyaykuchkankichis chhikapas manam imanasunkichispaschu; chaywampas unqusqakunaman makiykichiswan jaywqatankichis chhikaqa, kaykunaqa alliyapunqakum” –nispa.

Pichus iyaw ninqa jinallataq bawtisachikunqa chaymi qhispiyta taripanqa; chaywampas pichus mana iyaw ninqa chaytaq juchanchasqam kanqa.

Paykunataq tukuyniqkunaman sumaq willaykunata willaq lluqsipurqanku; Tata Jesustaq paykunaman yanapachkarqan, chay willaytataq musphay ruwaykunawan kuska kaspam chiqan kasqanta rikuchirqan.

Chaywampas payqa paykunaman ajinatam nirqan: –Ama mulljakuychischu. Qankunaqa pichus chakatasqa kachkarqan chay Nazaret llaqtapi kaq Jesustam maskachkankichis. Payqa manañam kaypiñachu, kawsarimpunmi. Qhawariychis may chhikamanchus churachkarqanku chaytaqa.

Chaywampas qhawarirqanku chhikaqa, chay rumipaq manaña chay chhikapi kapusqantam rikurqanku. Kay rumiqa ancha athunmi karqan. Jayk'aqchus aya pakana ukhuman waykurqanku chhikaqa, uj yuraq k'anchachkaq athun p'achayuq waynatam pañaniqpi tiyachkaqta rikurqanku. Warmikunataq chayta rikuspa anchatam mulljakurqanku.