Popularne wersety biblijne z Mélékusu 2

Udostępnij

Yésusu ɔ ɔ́ ɔ́bɔ́ dogálɔ dábɔ́ dɔ́ɔdɔ, go bó oyana a amɔ́: «Caá akɛ́ batɔ báaba bá lɔ́mɔ́ bá dɛ nómáa bɔ́ɔ bá fúmbemú ugóódíníní, bá lɔ́mɔ́ bɔgɔnɔ́gɔnɔ. Ndɛ́ kanɛ go úle go go nco dɔ́ŋɔnɔ bɛtɛ́nɛ́ɛ bá batɔ, kanɛ́ bologílógí.»

Aŋa Yésusu a mbɛɛ́ ɛ́ná goŋaá bá ágana odɛ́má yábɔ́ naá mɔ́ɔ, go oyana gɛcɛ́gɛlɛ a amɔ́: «Moɔnɔ́ bamɛ, bá á go hééhínyée bɛlɔgɔ báhɔ.»

Yésusu go gɔnɔ bó oyana a amɔ́: «Asaŋa a mbi iyídé buisí bá sábadɛ go besé ya mɔtɔ. A lɛ́ kanɛ go gedie mɔtɔ go busío bá sábadɛ, go go mo íyie gɛɔlɛ́ gá yɛ́.

Aŋa batɔ bá mbaá lɛ naá nnyaŋá dácɛ, bá dɛ ɛ́ná pɛ́ ya go ɛnda bɛ́ ɛ́da bola nɛhɛ́ anáa Yésusu. Gáábɔ́ go fága gɛasɛ́ naá mpɔnɔ́ mmoɛná, bá báá dúmbíe dokandá dɔ́ɔdɔ gɛcɛ́gɛlɛ gɛ́ mbaá lɔmɔ́ kɔ́ɔ mbɛ́dɛ́ɛ naá gɛasɛ́ moánɛ, go mo siisie anáa Yésusu a mbaá lɔmɔ́.

Ɛɛ́ɛŋ! Kanɛ́ goŋaá no íyime no amɔ́ Moɔnɔ́ ba mɔtɔ a bɛanana nɛgaŋa ná go héehinenye bɛlɔgɔ naá cí háalá, go oyana gɛcɛ́gɛlɛ a amɔ́: “Ŋgaá go oyáná caá: fadɛ́gɛ́na, o gɔ́lɔ dokandá dáhɔ, go ɛ́da naá mamɔ́ nnyaŋá”.»

Bóhanɛ́ bó lɔ́mɔ́ fɛaŋɔ go oyana gɛcɛ́gɛlɛ: “Bá á go hééhínyée bɛlɔgɔ báhɔ”, ɛ́na lí, “Fadɛ́gɛ́na, gɔ́lɔ́ dokandá dáhɔ, ɛndá o?”

Mɔtɔ go fadɛgɛna, go dómba go gɔ́lɔ dokandá dɛ́hɛ́, go húme naá oŋgíso yá batɔ biimée, gáábɔ́ go ɛ́da go békúke, bá búlugenye Asaŋa, bá gálagala bá amɔ́: «Dɛ gá báasa dɛ dɛ ɛ́ná mbɔ́dɔ ya boóma aŋa yɛ́ɛyɛ náana.»