Popularne wersety biblijne z Motíosi 24

Udostępnij

Bobɛ́ bó ŋgɛ ɛ́dánáa naá busío, bó goma, go busío moánɛ gɛcɛcá gá batɔ gɛ́ dɛ ŋgá gɔnɔ́ lɛ́ganalɛgana. Kanɛ́ mɔ́ɔnyɔ a ŋgaá simbímídé, gó ɛ́da húme naá mamáná, mɔ́ɔ Asaŋa a ŋgaá mo sódío.

Bá ŋga dúményée Gɛnɔ́gɔ́ gá Cɔ́mɔ gá Bufuŋe bá Asaŋa gɛ́ɛgɛ naá cí iŋkimée. Mɛɛ́nɔ miimée máama má lɔ́mɔ́ má dɛ íyíménée Asaŋa, má ŋgɔ ɔ́bɔ́ Cɔ́mɔ ya ndiemi. Hɔ́ɔlɔ́ gɔ́ɔ mamáná má cí má ŋgaá bolá.»

No ŋgɔ ɔ́bɔ́nɔ́ɔ bó oya cɔ́mɔ sá bidé, na biuŋgúlú bá bidé. No do bɛáa bofoá kanɛ́, moóma moánɛ mó háanana go bola, kanɛ́ bó gá lɛ́ bó do bɛ́ɛ́mbá gomana gá cí.

Mammana, boɛ́nɔ búmmue bó ŋga nɔɔ́ɔ sɔ́gɔ́ɔ boɛ́nɔ bidé, bufuŋe na sɔ́gɔ́ɔ bufuŋe. Incíli na goyiŋkime gá cí mó ŋga bɛ́ɛ́mbá naá bigísi bá cí gɛca. Kanɛ́ muimée mɔ́ɔmɔ mó ŋga bɛ́ɛ́mbá aŋa mabayɛga má gɛɔ́bɛgɔ gá manómana má gobíene.

Mmoɛná na cí mó ŋga maná, kanɛ́ dogálɔ dámɛ dó do ŋgá mana.»

Mammana, batɔ degédegé bá ŋgu úlénée, bá béfínenye go ufíno yámɛ, bó oya bá amɔ́: “Yɔmɔ́ɔ ndɔ́mɔ́ Mesíi”. Bá ŋga ŋaáa goŋaá gɛca gá batɔ gɛ́ nana mammana ya pɛ́.

Gɔ́ɔ batɔ bá ŋgaá nyó ágá naá mahana, bá nyó óna; mɛɛ́nɔ máama má lɔ́mɔ́ má dɛ bɛ́ɛ́mbá Beyúdene má ŋga nyó bɛlábɛ́láa go busío bámɛ. Go busío moánɛ gɔ́ɔ batɔ degédegé bá ŋgaá cecúgíe gioliminyo, bɛ́ ɛ́da go bábala bɔ́ɔ na bɔ́ɔ, gó gunde, bá bɛlanabɛlana. Mbúsí sá mbele sɛ́ ŋga bológánáa go gitúu, sɛ́ gunde sɛ́ nenugenye degédegé ya batɔ.

Gɛ́hɛ́ go bó gundie a amɔ́: «Bébeŋéemú nɔnɔ goŋaá mɔtɔ a dɛ nyó nenúgíe.

Gɔ́ɔ, bɛɛnyɔ́ɔ tɔ́nɔ, bɛ́ɛ́mba nɔnɔ pɛnɛ́ɛ, goakɛ́ Moɔnɔ́ ba mɔtɔ a ŋgu úlé naá gigúlí gɛ́ɛgɛ no lɔ́mɔ́ no do íyíménée.»

Gɛ́gáa nɔnɔ kanɛ́ pɔnyɛ́ɛ, goakɛ́ no do íyíménée buisí bɔ́ɔbɔ Daadáa bɛnyɔ́ a ŋgaá ncó gunde.

«Mɔtɔ a dɛ íyíménée akɛ́ buisí ɛ́na gigúlí gá moóma moánɛ go bola, akɛ́ bɛɛ́ŋgɛlɛsɛ báaba naá mmoɛná, akɛ́ Moɔnɔ́, Baaba i íyimenemú, goana mɔ́ɔ mokáa.

Kɔ́ɔ bemesíi bá mbele bá ŋga bológánáa, olɔŋɔ na mbúsí sá mbele. Batɔ bɔ́ɔbɔ bá ŋga ŋanánáa bieninye bá gobékúke na bɛsɛɔ, bá fúmbe go nenugie akɛ́ báaba Asaŋa a mbií iyídé.

Moóma mɔ́ɔmɔ mó mbaá bádómbánáa naá gɛcamɛna gá Nóe, mó ŋga bádómbánáa caŋa táŋɛ́ mmue naá muúle má Moɔnɔ́ ba mɔtɔ. Ɛɛ́ɛŋ, caŋa mmue, otóotoɛ yá goŋaá nobólá ná púugie nó naa, batɔ bá mba lɛ́ bá nyáanya, bá nyóanana, bá giŋenine, bá gunde bá fáanana babóla na bahaŋa go bigiŋe; gó ɛ́da go éme buisí bɔ́ɔbɔ Nóe a mbií íŋéné naá gilué gɛgɔ́nɔ́. Bá dɛ mbáa lɛ bá gɔ́lɔnɔ bofoá go boóma, gó ɛ́da go éme gɛcamɛna gɛ́ɛgɛ nobólá ná púugie nó mbaá naáa, nó báá bó fúúgíe púmú. Bó ŋgaá bɛ́ɛ́mbá tɔ́nɔ nɔ́ɔnɔ naá muúle má Moɔnɔ́ ba mɔtɔ.