Popularne wersety biblijne z Meŋiigíe 1

Udostępnij

Kanɛ́ no ná bɛa bogaaga bɔ́ɔbɔ Gimmúmpúu gá Giliíli a ná nyó siisenemú na bɔ́, gɔ́ɔ no ná bɛ́ɛmbamɔ́ ŋgominyo sámɛ naá Yolósalɛmɛ, naá Yudée uŋkimée, naá Samalɛ́ɛ na naá cí iŋkimée.

Yésusu go bó gundie a amɔ́: No do bɛanánáa goŋaá no íyime gɛcamɛna gɛ́ɛgɛ Baaba moatɛ́ a mbaá sómbá go nɛgaŋa nɛ́hɛ́.

Budúgú búmmue, bá lɛ́ naá manyáanya, gɛ́hɛ́ go bó lɔsɛnɔ a amɔ́: No do úlúkíe naá Yolósalɛmɛ, no gɛ́gana hɔ́ɔ tánɔ yɛ́ɛyɛ Baaba a mbaá dáná, pááná yɛ́ɛyɛ mmbaá nyó oyáná. Ɛɛ́ɛŋ, Sáŋa a mba yuménínyée na miimpo, kanɛ́ bɛɛnyɔ́ɔ, naá baaná bá medúgú, no ná bɛ́ɛmba yuménínyéelú naá Gimmúmpúu gá Giliíli.

Naá nnyimé ya nigúe nɛ́hɛ́, goŋaá á ba loodío goŋaá a lɛ́ ogɔ́sɔ, a báá bó bédúfényée mbɔ́dɔ mbɔ́dɔ; a mba ŋaáa nɔ́ɔnɔ medúgú otíno áhandɛ́, a bó ɛ́nɛganɛna, a bó oyanɛna masɔ́mɔ má Nigúli ná Asaŋa.

Naá nnyimé ya dogálɔ dɔ́ɔdɔ, Asaŋa go gɔ́lɔ Yésusu naá mmoɛná naá oŋgíso yábɔ́, nogálámbá go mo lindige bá dɛ gɔnɔ́ mo ɛ́na.

Bá gá lɛ́ oŋgíso áfɛ́gáalú go mmoɛná go go núune anáa Yésusu a mbaá lɔmɔ́ ɛ́dáalú, batɔ báandɛ́ na bɛla bimmúmpúu go bó basɛna. Bá amɔ́ gáábɔ́ bá amɔ́: Bégelilée báaba, nɛɛ́nɛ no cɛ́ɛnamɔ́ hɔ́ɔlɔ́ go go núune mmoɛná o? Yésusu mɔ́ɔnyɔ a nyó úlukinyemú go go ɛ́da naá mmoɛná mɔ́ɔnyɔ, a ŋga ncó gunde caŋa táŋɛ́ mmue aŋa no báá ná mo ɛ́ná ɛ ɛ́dana.