Popularne wersety biblijne z Džiibén 6

Udostępnij

I Raj Devél lyjá te tanginél (te žalinel), so sozdyjá manušés pe phuv, i Jov lyjá te tuginel dro Péskiro iló.

I Raj Devél dykhciá, so manušá lyné but te kerén fuipén pe phuv, so saré léngire dumki i ile sys xolynakire pe kažno dyvés.

Ne Nojo lathiá bahtiakiribén angíl Ráskire-Devléskire jakhá.

Ĥáda, isyn lav pal Nojoskiro ródo: Nojo sys čačunó manúš i bi grehoskiro dro péskiro ródo, Nojo psirdiá dro jekhipén angíl Devléste.

I phendiá Raj Devél: “Me xasiakiráva manušén phuvjákire móstyr, savén Me sozdyjom, manušéstyr ke kherítko murdál (skoto), i capnien i bolybnáskire čiriklien pe bolybén, pal-dová so Me tanginava, so len sozdyjom.”

I sys adiáke, kiéli manušá pe phuv bijándyne (lotine) butýr, i léndyr bijándyne čhaja, to Devléskire čhavé dykhné manušengiren čhajén, so jone sys šukár, i lenas len paloróm, savjá kon vykedyjá. I phendiá Raj Devél: “Na saró džiibén manúš te na riskirél godý pe Miro Dúho (Fáno) [na ŭsády/na sak (vsiegda) Miré Duhoske te dživél dre manušéste-ju.o.]; pal-dová so jone isyn loč (plot'); mek te dživén jone šel te biš berš.” Dre dolé dyvesá pe phuv sys drieván vučé manušá, butýr odolé časostyr, syr Devléskire čhavé lyné te psirén ke manušéngire čhaja, i jone lyné te bijanen lénge. Jone sys zoralé, ĥaratuné, slavutna manušá.

I Nojo saró kerdiá, syr Devél léske priphendiá, adiáke jov i kerdiá.

I Devél phendiá Nojoske: “Angíl Mánde kažnoné ločake javéla kónco (jagóro); pal-dová so phuv pherdija léngire nahratone rendénca (zlodejanijenca). I ĥáda, Me xasiakiráva len phuvjátyr.

Ker péske gofierytkone vešéstyr kovčego (baró mohtó); ker komorki dro kovčego, javriéstyr i andrál obmakh les smolasa.

I Devél dykhciá pe phuv i, ĥáda, joj sys xasibnýtko: pal-dová so kažno loč (plot') lyjá te kerél bipatyvale réndy (diély).

Adiáke-pac' zalydža dre kovčego kažnoné murdaléndyr i kažnoné ločatyr pir duj, sob (kaj) túsa jone te jačénpe džidé: mek jone te javén murškané i džuvlikane rodóstyr.