Popularne wersety biblijne z Mark 12

Udostępnij

Jesus angkek, “Angka Akngey-kenh impenan nhanyeman-angkwarrarl atha ileyel, ‘Israel-kenh-rnemay, arrantherr atyeng awelhenherr-arey! Akngey anyent impen aneyel. Ingwer ikwer-apeny aney-angenh arrangkw, rant anyent aneyel. Anyent renhant ingkerrenhel apentetyek, anyent ikwerant ingkerrenh iterretyek.’ Angka nhanyem impen. Akngey-kenh angka ingweran alakenh aynteyel, ‘Arrantherr ingwer-rnem arntarnt-aretyek, ampa arrekantherrenh arrantherr arntarnt-areyel-apeny.’ ”

Jesus-an angkek kwertengerl ikwerenh-rnemek, “Apetyenh-arey. Atha angka arraty arrekantherr iletyek. Arelh inpertelan ngkwelty akely atherr arrernek, Akngeyekan ra akngerrarl. Ingwer-rnemelan akngerr arrernek, Akngeyekan ra akelyarl. Man akngerr-akert-rnemelan amern ikwer-rnem-kenh inek-penh ngkwelty akngerrarl akngey-alpek. Arelh inpertelan ingkerrenharl arrernek. Arrangkw-anem ra aneyel, amern iney-angenh.”

Jesus-an anenh tyaty Jew-rnem-kenhel kwen arrerenty, Jew-rnemarl Akngeyek inkwerelhemel angkerrenhel. Ran arenh akngerr, rernemarl ngkwelty ampwal manek-arelh-warl arrernenh. Ingwer-rnemelan man akngerr-akert-rnemelan apetyek tyenkerr man akngerrarl arrernek. Arelh inpert-anem apetyek, rap ngkwelty akely atherrant arrernek.

Amern tyenkerr anwantherr Jew-rnemel anthem Akngey renh. Anwantherr Akngey-kenh angka ilenh-angkwarr anwernantherr apentetyek, amern tyenkerr Akngey-angkwarr anthey. Arraty-ayteng anwantherr ingkerrenh arntarnt-arem, ampa anwekantherrenh anwantherr arntarnt-areyel-apeny ntwarl anwenhantherr ilenh-angkwarr. Akngey-kenh impen apentetyek-ayteng.”

Jesus-el renh-rnem ilek, “Man-areny-rnemelarl arrenhantherr manek ayernenty, arrantherr man renh-rnem anthenherr-arey, rernem-anem Atyetyart Caesar man renh anthetyek. Akngey-kenh warrk-rnemel man ineynem, arrantherr ingkerrenhel arrernemer arrpemarl, Akngey ikwer-anem rernem man renh arrernetyek.” Rernem Jesus renh awemel, rernem apateyelpek.