Popularne wersety biblijne z REVELATION 7

Udostępnij

Ntki hahawa ep ha nei moki am shaꞌi si geꞌe hemapig hab chuꞌig. Kuki pi ta kuintama idam hemajkam ch ab amjed g wehsko jejewed ch d nahnko mahs oꞌodham ch nahnko kaidam neneokdam. Kuki am daha e-kownal daikud ab hegai mo kahwalkaj ab e chehgidch. Kuki hegam muꞌi hemajkam am baꞌich gegok ch s-tohtakaj e enigadadch ch g haꞌichu iꞌibhonig an uhꞌukch

ch si s-kaidam neneok ch hab kaij: “T-doꞌibiadag o ab amjed g Jiosh ch ab amjed hegai mo kahwalkaj ab e chehgidch.”

Hegai mo kahwalkaj ab e chehgidch at wo ha nuhkudad hab masma mo g kahwal nuhkuddam ch am wo i ha wanim heg wui s-kehg doakag mo heg wepogidas shonkam shuhdagi. Kut g Jiosh ab wehs wo i oa g ha-ohꞌog.”

Heg o hekaj ia gegok Jiosh baꞌich ch ab ihm wehs tashkaj ch s-chuhugam oidk. Kut g Jiosh wo ha nuhkudad chum hekid. Pi at dahm d ep wo bihugkoik o d wo tonkkoik. Pi at hekid ep wo s-tonik ha wehhejed.

“Pi g am s-koꞌokam has wo juhni g jewed ch kahchki ch kukui. Kutt ab hoꞌip kia ha chepos g Jiosh pionag ab ha-koka ab.” Kuni kah mash d siant giꞌikko wehst-mahm gamai giꞌik mihl (144,000) hegam mamt ha chepos heg hekaj Jiosh cheposidakud.