Popularne wersety biblijne z 1 CORINTHIANS 1

Udostępnij

T g Jiosh ab i em‑gawulkai mat hekaj am wo ha chehgi hegam mo pi mahch mo d wabsh pi haꞌichu g haꞌichu ha‑amichudadag ch ha‑gewkdag.

Hegam mo pi d e doꞌibiakam o hab elid mo d wabsh pi haꞌichu g haꞌichu t-ahga mat g Christ ab muh kots t ab t-wehhejed. Kuch wabshaba ahchim mach d t-doꞌibiakam s-mahch mo g Jiosh hab masma ab t-chehgidch g e-gewkdag.

T wabshaba g Jiosh ab haꞌi i t‑gawulkai ahchim Tutuligo k hab waꞌap ab haꞌi i em‑gawulkai ahpim gawul mahs hemajkam matt ab wo i s‑wohoch g alidag k wo t‑doꞌibia. Hegam mo pi d e doꞌibiakam o pi ab hu haꞌichuchud ihda mat g Jiosh am hab t‑juni am gahi wuhshanim g e‑alidag. K wabshaba g Jiosh hab masma am t‑chehgidch g e‑amichudadag ch e‑gewkdag.

Jiosh at ab i em-waid k ab i em-gawulkai mat hab masma hab t-juh. Kum hab si s-ap s-mahch g alidaj Jesus Christ. T g Jiosh pi hekid am hu gawul wo juh g hab e-elida k an wo t-uꞌukchid matt pi ab hu wo t-chuꞌijigch heg eda tash mat wo ha lodai g pi ap chuꞌijkam.

T-kownalig Jesus Christ o ab ni-mahkch g gewkdag mant wo haꞌichu em-cheha. Kunt hekaj wo em-ahgi mamt pi ab hu e wui wo gegokiwua k wabshaba ab wo i hemakoj g e-chegitoidag k wo s-ap e tahtkk ab aꞌai e wui.

Pegih, am o t‑chehgidch g Jiosh matt pi hedai wo shaꞌi t‑nako machs wo hejel t‑doꞌibia, chum achs hems haꞌichu wo s‑amichudad ch haꞌichu wo s‑mahchkad. Pi att hedai wo shaꞌi t‑nako machs wo ha neꞌowin k wo cheh g Jiosh wohokam.