Popularne wersety biblijne z Rom Tɩŋŋaa 8

Udostępnij

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

Wɩɩŋ deeŋ tuo kaalɛrɛ, mɩ jɩma kʋŋkala tuo sɩ jaŋ wuo lɩɩsɛmɛ ŋɩɩ Kirisito sɩ chomi lɛ: Sʋʋŋ, koo mɩɩsɩŋ, koo Wɩa tɩndaaraa, koo jɩŋ-bɔŋŋɔɔ, koo kɩalɩŋ kala sɩ hɛ nɩmɛ lɛɛlɛ, koo kɩalɩŋ sɩ jaŋ to harɩŋ kɔ, kɩalɩŋ sɩ hɛ wɩa-nyuŋ a kɛŋ doluŋ, koo kɩalɩŋ sɩ kɛŋ doluŋ a hɛ tinteeŋ lɛ. Wɩa sɩ to La Tɩɩna Yesu Kirisito lɛ a chola ŋɩɩ, dʋnɩa kʋŋkala tuo sɩ jaŋ wuo lɩɩsɛla chono-la lɛ.

ŋɩɩ tɩtɩa nɛ Wɩa Dɩŋ-zɔmʋŋ ma yie kɔ a pɛ la lɛ a tɩŋ la sɩ bɩ doluŋ kɛnɛ dɩ la pɛ la tɩtɩa lɛ. La paala bɩ jɩŋ ŋɩɩ sɩ maga dɩ la chʋɔlɛ Wɩa. Ama Wɩa Dɩŋ-zɔŋ-la tɩtɩa sʋl Wɩa a pɩpɩla nɛ. Ʋ sɩ yie sʋsʋl Wɩa aa huuni ŋɩɩ, la bɩ jaŋ wuo kɛŋ niiŋ a dagɛ, ama

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

Dɩ la nɛ joŋ la nyuŋ a hɛ la yaraa wʋŋaalaa lɛ, la jaŋ sʋʋ, ama dɩ la nɛ joŋ la nyuŋ a hɛ Wɩa Dɩŋ-zɔŋ-la wʋŋaalaa lɛ, la jaŋ kɛŋ mɩɩsɩŋ a hɔŋ arɩ yarɩfɩɛlaa

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

Mɩ bee na arɩ hɛɛŋ deeŋ la sɩɩ na, la bɩ jaŋ wuo kaa magɩsɛ yɩrɩ-la la sɩ jaŋ laa.

Kirisito sɩ chola ŋɩɩ, bɛɛ kʋŋ nɛ jaŋ bɩra ŋaa dɩ Kirisito sɩ́ la cho? Wahala koo wʋjʋʋlaa, koo dɩ ba to naasɩŋ dʋdɔgɩsɛla, koo dɩ losuŋ kpʋla, koo dɩ la bɩ gɛnnɩŋ kɛnɛ dɩ la laalɛ, koo dɩ wʋbɔŋ nɛ gbɛrɛla, koo dɩ la nɛ jaŋ sʋʋ? Wɩaa deemba kʋŋkala bɩ jaŋ wuo ŋaa dɩ Kirisito bɩra sɩ́ la cho.

Wɩa na nuhuobiine tʋɔŋ kala nɛ a jɩŋ Wɩa Dɩŋ-zɔmʋŋ sɩɩ huuni ŋɩɩ bʋbʋɔŋ, bɛɛ wɩaa Wɩa Dɩŋ-zɔŋ-la sɩ sʋl Wɩa a pɩpɩ Wɩa nɩaa ŋɩɩ, Wɩa tʋɔtɔrʋŋ lɛ nɛ ʋ yie sʋsʋl.

Nɩalɩŋ kala sɩɩ to Wɩa Dɩŋ-zɔŋ-la niiŋ wɩaa, ba ŋaa Wɩa biiriŋ nɛ.

Nɩalɩŋ kala sɩɩ to ba yaraa doluŋ lɛ, ba joŋ ba nyuŋ kala a hɛ ba yaraa wʋŋaalaa lɛ nɛ, ama nɩalɩŋ kala ma sɩɩ to Wɩa Dɩŋ-zɔŋ-la doluŋ lɛ, ba ma joŋ ba nyuŋ kala a hɛ Wɩa Dɩŋ-zɔŋ-la sɩ cho wɩalɩŋ lɛ nɛ.

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

Wɩa Dɩŋ-zɔŋ-la arɩ la tʋɔbɩɩnaa kala yie dagɛ arɩ la ŋaa Wɩa biiriŋ nɛ. La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

bɛɛ wɩaa dɩ nʋʋ nɛ joŋ ʋ nyuŋ kala a hɛ ʋ yaraa doluŋ lɛ, ʋ ŋaa Wɩa dʋndɔŋ nɛ. Ʋ bɩ chɛ dɩ ʋ to wɩalɩŋ Wɩa sɩ daga, ʋ paala bɩ wuo to.

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

La jɩma arɩ dʋnɩa kɩaa kala haa huuni nɛ, arɩ haala sɩɩ chɛ dɩ ʋ lʋl aa huuni ŋɩɩ.