Popularne wersety biblijne z Rom Tɩŋŋaa 6

Udostępnij

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa.

Ŋɩɩ wɩaa ʋ maga dɩ ma joŋ ma tɩtɩa arɩ ma ma sʋʋ wʋbɔŋŋɔɔ wɩaa nɛ. Yesu Kirisito lɛ, ma mɩɩsɩŋ hɛ Wɩa teeŋ.

Bɛɛ nɛ saa la jaŋ bʋl? La ha ŋɩŋaa wʋbɔŋŋɔɔ dɩ Wɩa lahɔrɩmɔ-la faasa yʋgɛ la lɛ koo? Aɩ, wombii tuo. Dɩ wʋbɔŋŋɔɔ-na lɛ nɛ, la sʋba nɛ. Ɛɛ nɛ saa la ha jaŋ hɛ wʋbɔŋŋɔɔ lɛ a ŋɩŋaa?

Ma jɩma dɩ ma nɛ joŋ ma tɩtɩa a pɩ nʋʋ a tuto ʋ niiŋ lɛ, ma ŋaa nɩɩ-la ma sɩɩ to yosuŋ nɛ. Dɩ ma nɛ joŋ ma tɩtɩa a hɛ wʋbɔŋŋɔɔ nɩsɩŋ lɛ a nagɛ yosi, ma dɩdɛrɩŋ nɛ sʋʋŋ. Ama dɩ ma nɛ joŋ ma tɩtɩa pɩ Wɩa a tuto ʋ niiŋ a nagɛ yosi, ʋ jaŋ leŋ dɩ ma kɛŋ tʋɔpʋla ʋ sɩpaaŋ.

Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ. Wɩa sɩ lɩɩsɛma wʋbɔŋŋɔɔ nɩsɩŋ lɛ ŋɩɩ, ma mɩɩra kʋ ŋaa tʋɔpʋla yosuŋ nɛ.