Popularne wersety biblijne z Rom Tɩŋŋaa 10

Udostępnij

Dɩ ŋ nɛ jaŋ wuo suri ŋ niiŋ a bʋl arɩ Yesu nɛ ŋaa ŋ Tɩɩna, a laa dii arɩ ŋ tʋɔŋ arɩ Wɩa chɩsʋ sʋʋŋ lɛ, Wɩa jaŋ laaŋ ta

bɛɛ wɩaa la tʋɔŋ nɛ la yie kaa laa Yesu wɩaa dii, a kɛŋ tʋɔpʋla Wɩa sɩpaaŋ. La niiŋ ma nɛ la yie kaa bʋl arɩ Yesu nɛ La Tɩɩna, Wɩa laala ta.

Ŋɩɩ wɩaa, ŋ yie nɩɩ wɩɩ nɛ a laa dii. Ba nɛ ŋaa wɩalɩŋ sɩ tɩgɛ Kirisito lɛ.

Wɩa teniŋ tʋɔŋ, ŋ-la nɛ ba bʋl: “Nʋʋ na-kala sɩ laa ʋ wɩaa dii, Wɩa bɩ jaŋ hɩɩsʋ.” Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, ba kala ŋaa kʋbala nɛ Wɩa teeŋ. Ʋ bɩ ba kaa pɔrɛ. Ʋ ŋaa nʋʋkala Tɩɩna nɛ. Dɩ nʋʋkala nɛ yɩrʋ, ʋ jaŋ pɛ ʋ tɩɩna lɛ woruŋ. Ŋ-la nɛ ba bʋl Wɩa teniŋ tʋɔŋ: “Nʋʋ na-kala sɩ yɩrɛ La Tɩɩna yɩrɩŋ dɩ ʋ laaʋ ta, ʋ jaŋ laaʋ ta.”

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”

Ama dɩ ba nɛ bɩ ʋ wɩaa laa dii, ɛɛ nɛ ba jaŋ ŋaa a yɩrɛ ʋ yɩrɩŋ dɩ ʋ laaba ta? Dɩ ba nɛ bɩra bɩ ʋ wɩaa nɩa, ɛɛ nɛ ba jaŋ ŋaa laa ʋ wɩaa dii? Dɩ nʋʋ ma nɛ saa bɩ ʋ wɩaa bʋla pɩba, ɛɛ nɛ ba jaŋ wuo ŋaa nɩɩ?

Kirisito nɛ ŋaa wɩalɩŋ kala Mosis fa sɩ ŋmʋnsa bil dɩ nɩaa tuto dɩdɛrɩŋ. Nɩɩ-la kala sɩ laa ʋ wɩaa dii jaŋ kɛŋ tʋɔpʋla Wɩa sɩpaaŋ.