Popularne wersety biblijne z Luuk 3

Udostępnij

Bʋa-la lɛ Jɔɔŋ sɩɩ fo nɩaa kala Wɩɩchʋɔlɛ lɩɩŋ, ʋ fo Yesu ma Wɩɩchʋɔlɛ lɩɩŋ nɛ. Ʋ sɩ fou dɛrɛ, ʋ chʋchʋɔlɛ Wɩa, ŋɩɩ nɛ wɩa-nyuŋ kpaa balɩa, Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Ŋɩɩ nɛ Jɔɔŋ bʋla pɩba, “Mɩ dee. Lɩɩŋ dʋndʋŋa nɛ mɩ-na kaa foma. Ama nɩɩ-la sɩ jaŋ kɔ, ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. Ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ ma hɛ dɔnsʋŋ ma lɛ.

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, aŋ sɩ́ bɩɩna bʋl Abɩraham sɩ ŋaa ma naabalɩma ŋɩɩ, Wɩa bɩ jaŋ dɔgɩsɛma. Mɩ jaŋ bʋla pɩma arɩ Wɩa paala jaŋ wuo ŋaa dɩ tabɩaa deemba ma sɩ na bɩrɩmɛ Abɩraham doho nɩaa.

Na, ba kɛŋ saaŋ jee nɛ a ŋaa siri dɩ ba keri tɩɩsɩŋ lo. Tɩa-la kala sɩ bɩ nɛŋ-zɔŋŋɔɔ ka nɛŋ, ba jaŋ keru lo a joŋo hɛ nyiniŋ lɛ.”

Wɩa wʋlaabʋlla Azaaya fa ŋmʋnsɛ ŋɩɩ nɛ Wɩa teniŋ sɛmɛ dɔŋɔ. Wɩalɩŋ ʋ fa sɩ ŋmʋnsa nɛ ŋ-la: “Nʋʋ nɛ chɩŋ tintee-hɩlɩŋ lɛ a heelee bʋl, ‘Má wasɛ wombiiŋ bil La Tɩɩna lɛ. Má pori wombii-la dɩ ʋ tʋʋlɛ. Má dɩŋ fuonaa na-kala. Má keri peelee arɩ dundolluŋ a kaa jɛrɛ dɩ ba magɛ dɔŋɔ, wombii-la sɩ golibo, má kaa tʋʋlɛ. Wombii-la sɩ ŋaa nyʋra nyʋra, má leŋ dɩ ʋ ŋaa mʋla mʋla. Dɩ ma ŋaa ŋɩɩ, dʋnɩa nɩaa kala jaŋ na ŋɩɩ Wɩa sɩ laa nɩaa tɩta.’ ”