Popularne wersety biblijne z Romafɔ 5

Udostępnij

Tamɛ tɔá ilosuna ánɩ́ Bulu tɛhɩɛ dwɛ anɩ gyi, brɛá anɩgyi lakpan abwɛpʋ a, ɔlɛha Kristo lobowu ha anɩ.

Ansɩ pʋdɩnka Bulusʋ ɩmɛ́ɛha pɛlɩ mɛ́ɛkɩta anɩ. Tsufɛ Bulu lɔtsʋn Ɔŋɛ Wankɩhɛ amʋʋ ɔlɔpʋha anɩ amʋsʋ pʋ́ mʋ ɔdwɛ wa anɩ klʋntɔ.

Ansɩ ɩtra dɛ anɩ gyiá anɩdɛ ipian wun. Tsufɛ ipian tɛha anɩtɔwa nsi. Nsiwa tɛha anɩtɛbɩ tsia alɩá ilegyi Bulu ansɩ. Nɩ abɩ tsia alɩá ilegyi mʋ ansɩ a, abɛ́dɩnka ansɩ mʋsʋ.

Anɩ hogyi sʋ Bulu latsu mʋ́á anɩ asʋn da ɔkpa. Mʋ́ sʋ anɩ Wie Yesu Kristo lala anɩa Bulunyɔ nsɩnɛ. Hogyi sʋ ɔkpa lafinki ha anɩ ngya. Ɩnɩá anɩ Wie Yesu sʋ Bulu awɩtɔlɛ anfɩ laba anɩsʋ, anɩlapʋ hogyi nya ɔlɩɩkpa ngya a, ɩhɩɛ bʋ anɩ ɔdwɛ. Tsufɛ anɩdɩn ansɩá abébenya mʋ numnyam amʋ kʋ.

Brɛá anɩtra anɩgyi lakpan abwɛpʋ, anɩmá ɔwʋnlɩn a, Kristo lobowu ha anɩ lalahɛ abwɛpʋ brɛá Bulu onuto lɛhɩɛtɔ.

Ɩna Yesu Kristo obugya amʋʋ ɩlɔwʋlɩ asɩ amʋsʋ Bulu lesi anɩ lakpan kie anɩ, tsu anɩ ánɩ́ anɩ asʋn da ɔkpa. Kristo sʋ ɔbɛ́lɛ anɩ kokooko. Ɔmɛ́ɛbɩtɩ anɩ ɩsʋ lakpan abwɛpʋ ɩsʋ-ɔbɩtɩkɛ amʋ.

Alɩ amʋʋ ɩna ɔbakʋlɛ asʋtɔ-ɔnlɩn sʋ aha fɛ́ɛ́ bemli lakpan abwɛpʋ amʋ a, alɩ kɛn ɩna ɔbakʋlɛ obú sʋ Bulu obótsu aha tsɔtsɔɔtsɔ ánɩ́ amʋ́ asʋn da ɔkpa nɩ.

Megyi mʋ́ wʋlɛ. Mʋ́a ɩtra dʋn kʋraa gyi, anɩdɛ ɔdwɛ gyi. Tsufɛ anɩ Wie Yesu Kristo lala anɩa Bulunyɔ nsɩnɛ. Mʋ́ sʋ anɩlabwɛ Bulu anyawie.