Popularne wersety biblijne z Romu 6

Si kẹ tomi pịrịarị gbẹẹ-ye anie fịị; kụma Tamụnọ kẹ papaa ḍie tomi pịrịarị ye anie sime gbamaso ḍumo, wa Nyanaḅọ Kịrayịsị Jizọsị na gbọrụ ḅụ sime ḅụ.

Ọ́ ḅarị oloko suku-ḅio ofori, tẹ Tamụnọ ḍiki-ḅụụjịrị mẹ suku-ḅio sọ tẹ ḅẹ sakị, si ḅarị ḅẹrẹtọn ọ́ pịrị ḅịa.

Wa sara minji mẹ ḅụ wa ori na sọ tẹ fịị tẹ ḍiḅi tẹ, ọkọẹrẹsị Ḍaḅọ ḅe ebube kụrọ mẹ fịị ḅụ Kịrayịsị saakịma ḅara, mie wamịnị sọ ịwọ ḍumo kọn ḅarị ḅara.

Ọ́ pịkị ḍụkụ tẹ si ọmịna ḅụ ḅẹ gbọrụ pakịrị sọ ọkị mu si amịẹaị ḅio suu ma. Anie nakara ọmịnị ọmịna aḅụụ mamgba saakị Tamụnọ pịrịị, anie fịị ḅụ ḅọrọ ḅo ḍumo ḅio sọ tẹ apụ ḅara ḅụ, tẹ ọmịna bebe oju mẹ sịkị karakara mịẹ pịrịị.

Wa nimi wararị mịnẹ, wamịna si sime-ḅara mẹ ḅẹ elemu ḅụụ mẹ ịn kẹ ori na sụa ẹngbẹsẹ-sịn ḅụ ḅakụ tẹ, mịẹtẹ anị ḅarị kụrọ nyana tẹ jen kẹ wa kẹ si omoni sọma ḅịa ḅara.

Anị gbọrụ ḅara ḅụ, ọmịnị sọ ọkịị mịnẹ ọ́ fịị si pịrị tẹ, kụma ọ́ Kịrayịsị na gbọrụ ḅụ sime tẹ ḍumo Tamụnọ pịrị wararị.

Wa ḅọrọ tiye ḍuko ḅẹ? Wa si mịẹ-mịẹ tẹ anga ma mu tẹ Tamụnọ ḍiki-ḅụụjịrị ḅin tọrọkọ-tọrọkọ mu ḅẹ mụnọọ? Gbala-gbala ọkọ sime ye ofori. Ndẹẹ wamịnị fịị si pịrị tẹ apụ ma paa anị ḅio anga ḅarị ḅara?

Ó nimi lama wararị mịnẹ ọ́ ḅụụ sịkị pịrị tẹ ḅịḅị pokiarị ḅọ mẹ anie ọ́ nyana tẹ ọmịnị omoni sọ pịrịarị ḅọ mẹ — anị ḅọrọ si ḅẹḅẹ, fịị anie anị dogi-ḅo ḅarịye, anị ḅọrọ Tamụnọ ḅịḅị poki ḅẹḅẹ, anị dogi-ḅo ḅarịye anie Tamụnọ na kura ḅụ sime.

Tamụnọ mịẹ tẹẹ! Tụkụmaye, tarị tarị ọmịnị omoni sọ si pịrị simem sọ, ó ḅo ọmịna ḅioḅẹngbọ mamgba kẹ ịn kẹ ó tolumaye mẹ daa-ọkị tẹ anị ḅẹẹ ḅara ḍiki anga tẹ. Si omoni ḅụ ọ́ paka-ḅo tẹ karakara mịẹ omoniapụ sọ tẹ.