Popularne wersety biblijne z Aniroomi 3

Udostępnij

agụvị ka avaba aza ẹ sị ịvị mẹ, ẹ yị kụkụ nyị tụ́ ịnị igirima Ohomorihi. Ama Ohomorihi ọ́ọ vayị aza, dị ọ jị ịhị yị aza ọọhẹ kẹnẹ nị. Ini oze Ijeesu Ikirisiti ana hị́ aza varẹma ọ vavọọ sị mẹẹ nị.

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị

Ohomorihi ọ́ọ sị ọọ zụ̀ gedebee ka ọnị óo si sí ụta ịvị aza ana â sị ayị tụra anya oni o che sẹ́ ẹtẹ. Ohomorihi ọ́ọ vavọọ mẹ, agụvị dị ọ̀ zụ sị ịzẹyịza anị zụ̀ aza. Ịyẹẹyẹ vị oni Ohomorihi nyị isuuru, dị ọ sị eyi jịnẹ ịvị ana aza aa mẹ. Ama booro aanị, Ohomorihi ộ sị zụ̀ ka ọnị ộ nyị ịzẹyịza, ọnị ọ vị ka ộ nyị ịzẹyịza hi ẹngụ anị. Ọnị ọ rẹẹ̄ jị ịhị yị aza ana àa sị ayị tụra Ijeesu nị.

Agụvị avọọ ẹ yị nyị ọza ana mẹ̀ ịsa ọnị ọda kà dị ọ̀ zụ hwọọ mẹ ka Ohomorihi ọ̀ jị ịhị yọ. Ịsị ọda Ohomorihiī mẹ kẹnẹ ọ vị ka aza ẹ̀ yẹ ka ẹnị ẹ sị ịvị mẹ nị.

Wáa yẹ ka áa vịdị chẹrẹẹ tụ́ ini Iwe Ohomorihi ka, “Ẹ yị nyị ọza ana aa mẹ̀ ịsa ana vọrọ, ẹ yị nyị ọza ịnya vụrụ-vụrụ. Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi. Ọzọza o si nyeeyi hụrẹ oze Ohomorihi. Ọnyọọnya ẹ vị nị, ẹyaa mẹ kẹnẹ-kẹnẹ. Ẹyị nyị ọza ana aa mẹ ọyịza; ẹ yị hyakụ nyị ọza ikonya.”

Agụvị avọọ ya sị yẹ ka aza ana àa sị ayị tụra Ohomorihi kẹnẹ, ọọ̄ jị ịhị yị nị; ẹ yị vị agụvị ka aza aa mẹ̀ ịsa ọnị ọda kà.

Asị Ohomorihi zẹẹ! Ẹ yị nyị ịsị ẹ zụ mẹ ka asị Ohomorihi vị ọnịrẹyịzẹyịza, òo zee eyi avaba aza ẹ̀ vị onireche. Â vịdị vavọọ chẹrẹẹ tụ́ ini Iwe Ohomorihi ka, “Ụmẹ tụra ụmẹ ọnị ụ wàa kà ịrẹyị, avaba aza vee ree ka ịzẹyịza ụ waa kà nị. Aza ẹ̀ẹ zama ịrẹyị awụ re, e vee re ka ịsa ana vọrọ ụụ̄ mẹ nị.”