Popularne wersety biblijne z Aniroomi 16

Udostępnij

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

Ẹwụ nịnị ẹyịnyara amị, sị ụtọ pe ẹtẹ nịnị, oo! Sị ụvọ za ẹngụ awụ nịnị agụvị aza anaā há azaa hi, di ẹyaa kụ́ azaa nyeeyi, ọnọọ vị ka ẹyaa kà ịrẹyị ana jị ịsị a vịdị sị zụ̀ wụ nịnị nyee. Asị ụ zị ògù ẹngụ aza ẹnẹẹ!

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Ohomorihi ọ zụ ka wa jẹẹ geri-geri nịnị anka enube ọyịza ọnị maa kà. Enube ọnọọ vị ịrẹyị Ijeesu Ikirisiti. Enube ọnọọ ọ rẹ kà ịrẹyị ịsa oni iruvo anị nyịnẹ anaa sị zụ̀. Ama ọza ẹ yị vịdị yẹ hụrẹ ụmọrụmọ ịnị ịyẹẹyẹ vẹ. Ama booro aanị a raà sị tụ́ ẹhẹ. Ọnịsẹ nịnị ệ vịdị chẹrẹ ịsa tịtẹ ini oze anị. Anka Óhomorihi ana yà ịzọọ pooro zịna-zịna mẹ̀ mẹ ọda, a raà kà a ngụ avaba ẹhẹ zị, agụvị avaba aza ẹ̀ zụ dọ wụ́, dị ẹ̀ẹ ká ịrẹsụụ hi yị Ohomorihi. Ini oze Ijeesu Ikirisiti, yâ sị ụga yị Ohomorihi pooro zịna-zịna, ana ahịka ọnịnya kẹnẹ ọ nyị avaba ịrẹyọyẹ nị. Aamị.