Popularne wersety biblijne z Iruuku 6

Udostępnij

Waa sị ịsaa yị ọza, agụvị à rẹ sị ịsa wụ, ana ahịka a vaa mọ ọ ohihi, di e chì ọọ, di e re henyi ọọ, dị aa ká a wà, di a sị wụ. Ịsị ụ wàa sị mọ ịsa yị ọza, a rẹ vaa sịị mọ ọ yị wụ nị.”

Ịsa ọyịza ana yà ịnị ayị ọza ọyịza, ọọ̄ mẹ̀ ka ọ̀ọ mẹ̀ ebira ozoza nị. Ịsa odivi ana rẹ yà ịnị ayị ọza odivi, ọnị ọ rẹẹ̄ mẹ ka ọ̀ọ mẹ̀ ebira odivi nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.”

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Waa vayị ọza, anka Áda awụ nịnị mẹ̀ẹ̄ vayị ọza.”

“Asị ụ sị ẹngụ awụ vị ọmọkarẹyị ọza, agụvị asị Ohomorihi mẹ̀ ọkarẹyị wụ! Asị ụ rẹ jị ịvị yị ọza, agụvị asị Ohomorihi jị ịvị wụ! Waa vagu ọza, agụvị Ohomorihi ọ̀ rẹ vagu wu ịnị ịvị awụ.

“Ẹwụ nịnị ana aa wụ́ ịrẹyị amị aanị, jẹẹ ma kà ịsa ọnyaa wụ nịnị: Wee sì ịrẹyị ọnịvị awụ nịnị, waa mẹ ọyịzaa hi aza ana a kụ́ ayị awụ! Waa mẹ̀ aduwa yị aza ene ee chìi hi wu nịnị, dị ụ wa rẹẹ mẹ̀ aduwa yị aza ana aa mẹ wụ nịnị kẹnẹ-kẹnẹ!

Ịsị u wèe sì ka ọza ọ̀ọ mẹẹ hi wu nịnị, ẹwụ nịnị ọ̀ rẹ vavọọ mẹẹ hi wa!

Ọza ana àa nya wụ arụhwọtọ eyi ụvọ ọnya, rẹ vara eyi ọsa ka a bẹẹ! Ọza ana àa dọ wụ nịnị awuru, rẹ sị ọtịnịnẹ anị vaka a yọ bẹẹ! Ọza tụra ọza ana àa họ̀ wụ use ịsa, ụ sị yọ nịnị! Ọza ana àa va sị wụ nịnị ịsa, asị ụ dọ ọ varẹma!

“Ọchị ozoza ọ mā tụ́ ẹtụtụ odivi; ọchị ọnị ụkụ za ọnị ọ mā rẹ tụ́ ẹtụtụ ozoza.

Ẹtụtụ ọchị nịnị a sịị̄ yẹ wa nị. Ọza ọ mā há ezu hụụnị ọchị ikeyi-ikeyi. Ọza ọ mā rẹ há osinkara hụụ ịrẹsụ agagana.