Popularne wersety biblijne z Iruuku 12

Udostępnij

Agụvị avọọ, ẹwụ nịnị ọ̀ rẹ vavọọ zí, agụvị ka ẹmị Ozi ọza onigirima vị ana vaa vẹ ịnị ụmẹ oni u we yi ro nịnị!”

Ama wee sì ka Ohomorihi ọ̀ọ mẹ ịjọvaa tụra wụ nịnị, ka ọ vaa sị avaba ịsa ana vọ aanịị tụ́ ọọ yị wụ nịnị.”

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Agụvị ka ịzị ogu awụ nịnị ọ̀ọ yà, ịzọọ áyị awụ nịnị rẹ vaa yà nị.”

Ẹnẹ nyẹngụ sị ariro ọyịmẹ̀ dà ụvọ ọnya tụ́ ịnị ụgọdọ anị ịnị ẹngụ awụ nịnị?

Dị Ijeesu kà a yị ezirẹma anị ka, “Asị ụ rẹ̀ mẹ ariro ini oze ẹhẹ awụ nịnị ka sị ụ vaa rị kẹ! Asị ụ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị!

Avaba ẹyị ịrẹsụ awụ nịnị vị oni Ohomorihi hyakụ za ịrịka. Agụvị avọọ asị u rè hí angwa nịnị, ka ẹ yị vị u were huna aara ọrụrụ-ọrụrụ yọ nịnị!

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Wee re ọrụ nịnị, ẹnịnị e mē chire ịsa, ẹnịnị ẹ mā rẹ kụ́ ịsa gụ. Ẹnịnị ẹ yị nyị ụhwọ, ẹ yị rẹ nyị oje; ama Ohomorihi aa yịị pá wa. Aanịka we yi huna inomi nịnị?

Asị u rè ro o ka sị ụ vaa rị, à vị ka si u vee hú, asị ụ rẹ̀ rẹ mẹ ayị ẹẹva nịnị!

Ohomorihi ộ vavọọ sị ịsa ozoza yị avị, oni u wèe re ajịnị, ụhwọọ di a sị ọọ ká tụ́ ịnị ịra, wéé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ.

Ẹ yị nyị ịsa ana a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.