Popularne wersety biblijne z रोमी 4

Udostępnij

परमेश्‍वरजी फैबै बाछा चइ छेनाले बिश्‍वास लसि संका आलल्‍ले बिश्‍वासर भोंब तसि परमेश्‍वरए मिं क्वेइ। तलेबिस्याँ परमेश्‍वरजी फैबै बाछा खैले बिलेन् तब्‍मुँ बिसि चइ क्वेंल।

परमेश्‍वरए छ्वेर छले प्ह्रिइमुँ, “ङइ क्‍हिलाइ ह्रें-ह्रेंमैंए खे तल् पिंइमुँ।” अब्राहामइ परमेश्‍वरए फिर बिश्‍वास लबइले परमेश्‍वरए उँइँर अब्राहाम ङ्यो ताँनए खे ग। परमेश्‍बरजी सियाबै म्हिलाइ सोगों लमिंम्, धै म्‍हिमैंइ लल् आखाँबै सै या खीजी पोंसि तल् लमिंम्।

ङ्योइ लबै पाप त्होमिंबै ल्हागिर येशू ख्रो तसि सिमिंइ, धै ङ्योलाइ ठिक ठर्दिबै ल्हागिर परमेश्‍वरजी येशूलाइ धबै सोगों लमिंइ।

छलेन “क्‍हिए सन्‍तानै या च्योलै आखाँल्‍ले तब्‍मुँ” बिसि परमेश्‍वरजी चने बिल। छतसि प्हसे तम् बिसि तिफुँइ आशा आरेबै त्हेरै या अब्राहामइ बिश्‍वास लसि आशा थेंबइले च ह्रें-ह्रेंमैंए खे तइ।

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

“चमैं बेल्‍ले ङ्‍हो सब्मैं ग! तलेबिस्याँ चमैंए छ्याब्मैं परमेश्‍वरजी क्षमा पिंइमुँ, धै चमैंए पापमैं खीजी मेटिमिंइमुँ। याहवेहजी पापए हिसाब आकिंबै म्हि बेल्‍ले ङ्‍हो सब् ग!”

तलेबिस्याँ अब्राहामए बारेर ठिमर छले प्ह्रिइमुँ: “अब्राहामइ परमेश्‍वरए फिर बिश्‍वास लइ। चए बिश्‍वासइ लमा परमेश्‍वरजी चलाइ ठिक ठर्दिइ।”