Popularne wersety biblijne z हितोपदेश 20

Udostępnij

“क्हिइ ङए न्होह्रों लइ, छतसि ङज्यै या क्हिए न्होह्रों लम्,” आबिद्; दिलेया याहवेहए फिर भर थेंन्, खीजी क्हिलाइ जोगेमिंब्मुँ।

म्हिइ लबै चाजोमैं याहवेहजीन् तोक्दिब् ग। छतसि ह्रोंस प्रबै घ्याँ म्हिइ खैले सेल् खाँब?

म्हिए सैं याहवेहए बत्ति ग; च बत्तिइ म्हिए सैंर्बै ताँमैं था सेम्।

म्हिए सैंर्बै ताँ इनारर्बै क्यु धों ग, दिलेया ताँ क्होबै म्हिइ च ख्योइरि बैरु पखम्।

ताँ प्ह्रेबै म्हिइ बिल् आतबै ताँमैं बिप्रम्; छतसि ताँ प्ह्रेप्रबै म्हिने आप्रद्।

प्होंगि आमिबै म्हिलाइ ताँनइ खोम्; दिलेया आमादुमैंइ प्होंगि मिबै ताँ लम्।

ठिक के लबै म्हि छेनाले छ्ह थोम्, धै चए च्ह-च्हमिमैंइ आशिक योंम्।