Popularne wersety biblijne z फिलिप्पी 3

Udostępnij

अलि-अङाँमैं, अझै ङ फेल् त्हुबै क्ल्ह्‍योर आफेइमुँ। छतसि ङइ ह्‍याल् खाँबै ताँमैं म्‍लेवासि तारे तखबै ताँमैंर भोंन्ले ओंसों बडिबै के लइमुँ। छतसि परमेश्‍वरजी ख्रीष्‍ट येशूर थेंमिंबै स्वर्गर्बै आशिक योंबर फेल् त्हुबै क्ल्ह्‍योर फेबै ल्हागिर ङ भोंन्ले ओंसों बडिसेन्मुँ।

खी सिसि धबै खैले सोइ खगे बिसि खीए शक्‍ति ङइ क्होल् खाँरिगे, धै खी सिब् धोंलेन् ङइ या सिलन् त्हुलै सिसि खीजी नोब् धों तबै दु:ख नोल् खाँरिगे। तल् खाँम् बिस्याँ ङ सिसि धबै सोल् खाँरिगे।

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

दिलेया च सैंमैं ङए ल्हागिर ओंसों छ्याँब तना बिलेया ङइ ख्रीष्‍टए उँइँर च सैमैं तो धोंइ आङ्हाँइमुँ।