Popularne wersety biblijne z मर्कूस 14

Udostępnij

“ओ आबा, क्‍हिजी लल् आखाँबै सै तोइ आरे। छतसि चु दुःख ङ ङाँइँले स्‍योमिंनु। दिलेया ङए सैंर मैंब् धोंले आङिं, क्‍हिए सैंर मैंब् धोंले तरिगे।”

दुष्‍टइ क्‍हेमैंलाइ पापर आच्होरिगे बिसि न्हरु आच्हुइल्‍ले प्राथना लद्। क्‍हेमैंए सैंइ खाँलै ङ्हाँम्, दिलेया ज्युइ बिस्याँ आखाँ।”

क्ह्रोंसेंन ङ क्हेमैंने बिमुँ, परमेश्‍वरउँइँले खबै सैं तोंबै ताँ म्हिमैंइ ह्‍युल तिगोंन् बिप्रमा चु च्हमिरिलाइ मैंबै ल्हागिर चइ लबै केए बयनै या लब्‍मुँ।”

खीजी चमैंने बिइ, “ङए सैंर्बै शोकइ लमा ङए सैं आचि-आचि ङ्हाँसि बेल्‍ले न्हुँ खइमुँ। क्‍हेमैं चुर न्हरु आच्हुइल्‍ले टिरिद्।”

झाइले खेंमैं भोज चरिमा येशूजी क्‍हें छेसि परमेश्‍वरलाइ धन्यबाद पिंसि क्हें लुँइ, धै चेलामैंलाइ चुमिंदै बिइ, “किंन्, चु ङए ज्यु ग।”

छलेन खीजी प्‍हेला किंसि परमेश्‍वरलाइ धन्‍यबाद पिंसि चमैंलाइ पिंइ, धै चमैं ताँनइ च प्हेलाउँइँले थुँइ। झाइले खीजी चमैंने बिइ, “चु परमेश्‍वरजी फैबै बाछार्बै ङए को ग। ल्‍हें म्‍हिमैंए पाप क्षमा तरिगे बिसि ङए को बगेब्मुँ।

झाइले येशूजी चमैंने बिइ, “तारे क्‍हेमैंइ ङलाइ वाथेंसि ह्‍याब्‍मुँ तलेबिस्याँ परमेश्‍वरए छ्वेर छले प्‍ह्रिइमुँ, ‘ङइ प्‍ह्रोंछैं सैवाब्‍मुँ, धै क्‍युमैं सोग्याँ प्हुँग्या तयाब्‍मुँ।’

रेद्, ह्‍याले। ङ्‌ह्‍योद्! ङलाइ धोका पिंसि क्हाल् पिंबै म्‍हि फेखइ।”

येशूजी पत्रुसने बिइ, “क्ह्रोंसेंन ङ क्हिने बिमुँ, तिंयाँबै म्‍हुँइँसर्न नग भाले ङ्हिखे ओरब् ओंसों सोंखे समा क्‍हिइ ङलाइ ङो आसे बिब्मुँ।”