Popularne wersety biblijne z ມັດ​ທາຍ 7

Udostępnij

“ອ໋ອຍ ຕສຸ ໂທ້ ຕສ່ຽວ ຕຸ໊, ອ໋ອຍ ຕສຸ ລໍ໌ ຕສ່ຽວ ປວັດ, ອ໋ອຍ ຕສຸ ແງ້ງ ແກ້ງ, ແກ້ງ ຕສ່ຽວ ອກອຍ.

ເຫວີ່ຍ ຕສຸ ຫາຍ ເຕົ້າ ໂທ້ ຕສ່ຽວ ຕຸ໊, ຫາຍ ເຕົ້າ ລໍ໌ ຕສ່ຽວ ປວັດ. ຫາຍ ເຕົ້າ ແງ້ງ ແກ້ງ, ແກ້ງ ຕສ່ຽວ ອກອຍ.

“ຮນັ້ງ ນ້າຍ, ຫາຍ ເຕົ້າ ໄຮ໌ ລິ໌ວ ເຢຍ ນ້າຍ ເຕີ໋ຍ ຫວ່າ, ຢ່າ ເອີຍ ຈ໊ຽນ ໂຕສ໋ວ, ເຊ ຮນັ້ງ ຢຽດ ເຕົ້າ ທສົງ-ເມ່ງ ເຍີຍ ມ່ຽນ ກົ໊ມ ເປຢົ໊າ ຫລະເປຢີ໊ຍ-ແປ້ງ ກູ້ ຫງວ່າຍ.

“ເມີ່ຍ ບົວ ອ໋ອຍ ມ່ຽນ ຮນັ້ງ ຫາຍ ນໍ ໂຕສ໋ວ ປຸນ ເມີ່ຍ ບົວ, ເມີ່ຍ ບົວ ຢ່າ ອ໋ອຍ ຕສຸ ຮນັ້ງ ວົ້ວ ນໍ ໂຕສ໋ວ ປຸນ ມ່ຽນ. ໂມ​ເຊ ເຍີຍ ເລີ໌ຍ ເຖສົາ ໂຕ່ວ ຫວ່າ ມ່ຽນ ອຈ໋າວ ເຍີຍ ຫວ່າ, ດສຸ໊ດ ຕສຸ໊ນ ກ໊ອງ ເຊ ຕົ້ງ ນ້າຍ ອ໊ະ.

ມປ່າ ເປັຍ ມີ່ງ ຕຸ໊ ຢຽດ ລິ໌ວ ເຍີຍ ແໝ່ງ ວົ້ວ ເຕົ້າ ແກ້ງ ເຊ ເຫບ ເຍີຍ. ເຈົ໊າ ຢ່າ ອະ ຕຸ໊ ຢັ້ງ. ລໍ໌ ປວັດ ວົ້ວ ຕິ້ວ ເຈົ໊າ ເຍີຍ ມ່ຽນ ໂຕສະ.

“ອ໋ອຍ ຕສຸ ເປັຍ ເຫບ ວົ້ວ ເຕົ້າ ແກ້ງ, ເຫວີ່ຍ ຕສຸ ຕໍ້ ມ່ຽນ ມີ່ງ ຕສຸ ໝຽດ ວົ້ວ ເຕົ້າ ແກ້ງ ຈັ໊ງ ເຍີຍ. ເຈົ໊າ ຢ່າ ຄູ່ ຢັ້ງ ເຍີຍ. ຢັ້ງ ວົ້ວ ຕິ້ວ ເຈົ໊າ ເຍີຍ ມ່ຽນ ທສ້ຳ ໄຫ່.

ເມີ່ຍ ບົວ ດົ່ງ ໜ່າຍ ຫວ່າຍ ເຍີຍ ມ່ຽນ ຕສູ໊ງ ຮິ້ວ ຕຸ໊ ປຸນ ຫລົງ ເຍີຍ ກະນ້າຍ ເມີ່ຍ ບົວ ເຍີຍ ຝຸຈ໊ວຍ, ເມີ່ຍ ບົວ ເຍີຍ ທິນ-ຕ້ອງ ເຕ໋ຍ ຢຽດ ເຕສີຍ ອ໋ອຍ ປຸນ ຫລົງ ເຍີຍ ກະນ້າຍ ໂທ້ ນິ່ນ ວົ້ວ ເຕີ໋ຍ ມ່ຽນ.

“ໄມ້ ຕູ໋ງ ຕີ່ງ ມ່ຽນ ເຍີຍ ຕສຸ໌ຍ, ທິນ-ຮູ່ງ ຕສ່ຽວ ໄມ້ ຕີ່ງ ເມີ່ຍ ບົວ ເຍີຍ ຕສຸ໌ຍ, ເຫວີ່ຍ ຕສຸ ເມີ່ຍ ບົວ ຮນັ້ງ ຫາຍ ນໍ ຕີ່ງ ມ່ຽນ ເຍີຍ ຕສຸ໌ຍ, ທິນ-ຮູ່ງ ຢ່າ ຮນັ້ງ ວົ້ວ ນໍ ຕີ່ງ ເມີ່ຍ ບົວ ເຍີຍ ຕສຸ໌ຍ ອ໊ະ. ເມີ່ຍ ບົວ ຫລົ່ງ ຫາຍ ຫຍູ່ງ ຮລາວ ປຸນ ມ່ຽນ, ທິນ-ຮູ່ງ ຢ່າ ຫລົ່ງ ວົ້ວ ຫຍູ່ງ ຮລາວ ປຸນ ເມີ່ຍ ບົວ.

“ມປ່າ ຫາຍ ເຕົ້າ ໄຮ໌ ລິ໌ວ ເຢຍ ນ້າຍ ເຕີ໋ຍ ຫວ່າ ຢ່າ ໄມ້ ເອີຍ ຈ໊ຽນ ໂຕສ໋ວ, ຕສ່ຽວ ຮນັ້ງ ເຕົ້າ ມ່ຽນ ຫຮງົງ ມ່ຽນ ນໍ. ນ້າຍ ເຕົ້າ ກົ໊ມ ເປຢົ໊າ ຢຽມ ຊາ-ຕສຽວ ກູ້ ຫງວ່າຍ.

“ເມີ່ຍ ເຫວີ່ຍ ຫາຍ ຕິ່ວ ປວັດ ເມີ່ຍ ເຍີຍ ກໍ໋-ໂຢ໌ວ ເຍີຍ ມຕສີງ ມ່າຍ ຫລະຟັບ ຢ່າ ໄມ້ ຮນ້ຳ ເຖົາ ເມີ່ຍ ກັ້ນ ເຍີຍ ມຕສີງ ມ່າຍ ອກັ໋ນ ດຢັ໋ງ? ກັ້ນ ເຍີຍ ມຕສີງ ມ່າຍ ອກັ໋ນ ດຢັ໋ງ, ເມີ່ຍ ຝູ່ງ ໄຮ່ ບົ໋ວ ເມີ່ຍ ເຍີຍ ກໍ໋-ໂຢ໌ວ, ‘ກໍ໋ ອ່າ, ເຢຍ ເຖງ ກໍ໋ ປັນ ທສວດ ມຕສີງ ເຍີຍ ຫລະຟັບ ໂອ່.’

“ອ໋ອຍ ຕສຸ ບູ້ງ ຈ໊ຽນ ຈ໊າ ໂຕ່ວ ຫວ່າ ມ່ຽນ. ນິ່ນ ບົວ ຕ້າຍ ລໍ໌ ເມີ່ຍ ບົວ ວົ້ວ ຕສັ່ນ, ເປີ້ຍ ຕສັ່ງ ຮນັ້ງ ປະກີ ຢູ້ງ, ມປ່າ ນິ່ນ ບົວ ເຍີຍ ໂຮຍ້ວ ທສ້ຽວ ຮນັ້ງ ເຮ່ຍ ຈູ໊ ນໍ. ເມີ່ຍ ບົວ ສຳ ໝັ່ງ ນິ່ນ ບົວ ໂຕສ໋ວ ເຍີຍ ສີ່ ເມີ່ຍ ບົວ ຕສ່ຽວ ຮິ້ວ ຕຸ໊ ນິ່ນ ບົວ ອ໊ະ. ດຢັ໋ງ-ອຈິ໊ມ ໄມ້ ໄຮ່ ຕສຢັ້ງ ອະຫງຸ່ນ ປ໊ຽວ. ມູ້ງ ລົງ ອຈິ໊ມ ຢ່າ ໄມ້ ໄຮ່ ຕສຢັ້ງ ງົ່ງ ຫຍໍ ປ໊ຽວ.

ດຢັ໋ງ ຫລົງ ຕສຢັ້ງ ຫລົງ ເຍີຍ ປ໊ຽວ. ດຢັ໋ງ ໄມ້ ເປ໋ນ ຕສຢັ້ງ ໄມ້ ເປ໋ນ ເຍີຍ ປ໊ຽວ.

ດຢັ໋ງ ຫລົງ ໄມ້ ໄຮ່ ຕສຢັ້ງ ໄມ້ ເປ໋ນ ເຍີຍ ປ໊ຽວ. ໄມ້ ເປ໋ນ ເຍີຍ ດຢັ໋ງ ໄມ້ ໄຮ່ ຕສຢັ້ງ ຫລົງ ເຍີຍ ປ໊ຽວ.

ຫາຍ ຕິ້ວ ດຢັ໋ງ ຕສຢັ້ງ ປ໊ຽວ ໄມ້ ເປ໋ນ, ຕສູ໊ງ ຕສຸ ກ໋ອຍ ກວັ່ງ ປົ໊ວ ໂຕ໌ວ.