1
Methiu 7:7
Iwo Surua Mua Wie Pha Bible
BUG
Lia bo, choi ruii phro, sow bo, nathek ne doh ruii phro, chokh bo, nathek shii habin hong ruii phro.
Porównaj
Przeglądaj Methiu 7:7
2
Methiu 7:8
Nyieliieshii, hanyie è lia arone phi ruii phro, hanyie è sow arone doh ruii phro, hanyie è chokh arone aishii habin hong ruii phro.
Przeglądaj Methiu 7:8
3
Methiu 7:24
“Ji-è chiihphado, hanyie è gu miyaogamthek yoi ne nuii pho ne khua bran hanyie è awai hò lubao lakhung shii rung pha ji duiine ro.
Przeglądaj Methiu 7:24
4
Methiu 7:12
Nathek è ithek shii khi-èrek yie pha now pha duiine ithek rog shii nathek è rek bo: Moses ro Iphey nane chaigthek muyua marui pha ji ne hì ro.
Przeglądaj Methiu 7:12
5
Methiu 7:14
Jishii chai pha gak ne khog ro, ji ne bajo diig hà dumuii re, chiih-è thiisa hà ne bran ìujia doh ro.
Przeglądaj Methiu 7:14
6
Methiu 7:13
Khog gak ji è iliing khud bo, nyieliieshii thumuluii pha gak ne sey ro chiih-è ji pha lumuii è dumuii rek pha ji ne ihiìa ro, chiih-è hanyie ji hà lua pho ne bajo ro.
Przeglądaj Methiu 7:13
7
Methiu 7:11
Awie pha aphuii nathek ne nawaithek anithek shii wie phi pha ji shii thieg ro. Chiihphado ji re-è de hamangkhung hà Aphuii ne nathek è aishii lia pha wie manathek ji phi pha ji ne khama muna thieg ro!
Przeglądaj Methiu 7:11
8
Methiu 7:1-2
Gaithek shii achua rabo, jiè Hamangkhung-aphuii de nathek shii achua ruii phro, Hamangkhung-aphuii de nathek shii ithek è gai shii chua pha duiine chua ruii phro. Chiih-è, ai è nathek shii de ithek è khi pha Iphey yie ne chua pha duiine ji pha Iphey yie ne chua ruii phro.
Przeglądaj Methiu 7:1-2
9
Methiu 7:26
“Jishii, hanyie è gu miyaogamthek ji yoi srane anuii pho ne bi-ìe hanyie è awai hò balimuang shii rung pha ji duiine ro.
Przeglądaj Methiu 7:26
10
Methiu 7:3-4
Chiihphado, nathek ne nyie rek ne nawaithek mieg shii hingbang um pha ji ariig pha nawaithek khuiithek pha mieg shii ididuii iphen um pha ji hìog ne yao phlei? Nawaithek mieg rangde hingbang um shii khi-èrek ne nawai ikhuii ro iphen khia phi pha yao mua phlei?
Przeglądaj Methiu 7:3-4
11
Methiu 7:15-16
“Biidiie pha chaigthek re-è ragia rek iang bo, ithek ne fuang hà ne shiishai duiine mia ne nathek shii wuii ruii phro, Jishii izai bucho hà ne ithek ne shaliiethek duiine ro. Nathek ne ithek è nyie rek pha ji è thieg ruii phro. Migem muiithek è angurthek awoi ruii phro, chiih-è migemgmuii è de hingiphemthek awoi ruii phro.
Przeglądaj Methiu 7:15-16
12
Methiu 7:17
Hingmuii phia ne iwoi wie woi ruii phro, jimagunde zia pha hingmuii ne wie awoi mua ruii phro.
Przeglądaj Methiu 7:17
13
Methiu 7:18
Hing phia ne iwoi awie pha awoi ruii phro, chiih-è zia pha hingmuii ne iwoi wie awoi phro.
Przeglądaj Methiu 7:18
14
Methiu 7:19
Iwoi wie awoi pha zab hingmuii ne chiieg srane bai hà fen ruii phro.
Przeglądaj Methiu 7:19