Mmɔ na Unwoti ɔ́su-mi ɔnini, “Ndubuti lɛla lɛni na mbo na masu-ɔ lɛsia kɔyu kemmo ala bɔnu na kɔna kemmo lɛlɔ lite-ɔ. Nweni ala ammɔ se nwaa kalɛ na ukyuli ɔnu-nya ɔka kɔnakunwi. Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.