Popularne wersety biblijne z Mataayi 3

Udostępnij

Lɨno, amaghendele ghahʉfyaghe ʉlʉlaato lwinu.

Pe ɨlɨsio kuhʉma kʉkyanya lɨkati, “Ʉjʉ ghwe Mwanango ʉmʉghanɨke, nɨnkeliile.”

ɄYesu ye ofughue, ʉnsiki ghʉghuo akahʉma mʉ malenga. Ʉvʉlanga vʉkadinduka, akamwagha ʉMhepo ghwa Ngʉlʉve ikwika hwene ngʼhʉnda, jikwisa pakyanya pa mwene!

“Ʉne nɨkʉvofugha na malenga, kuvonia kuuti mʉlatile inyɨvi siinu. Neke jʉno ikwisa mʉmbele mʉlyʉne alɨ ni ngʉfu kukila ʉne. Nanɨnoghiile nambe kuuva mʼbanda ghwa kʉkola ifilatu fyake. Ʉmwene ɨkʉvofughagha nʉ Mhepo ʉMwɨmɨke nʉ mwoto.

ɄNgʉlʉve angiike ɨnhemo, kuuti ʉmpiki ghʉno naghukoma ifipeke ifinofu, aghʉdumule na kunyaanya pa mwoto.

ɄYohani ʉjuo ghwe jʉno ʉmʼbɨli ʉYesaya alyajovile kuuti, “Ɨlɨsio lya muunhu lipʉlɨkɨka kuhʉma kʉ lɨhaka liiti, ‘Mʉnnosekesyaghe ʉMʉtwa ʉNgʉlʉve ɨsɨla, na kulɨngʼhania muno kyaikilila.’ ”