Popularne wersety biblijne z Mataos 22

Udostępnij

Yesʉs ze bɨha e nye ó: «Etie ndɨ é bul bwaʼ ɛ, lé ó: “Kpɛlɨ Sɔŋ go Da Zyɛm e leme go wiwɛh, e sisim go wiwɛh ndwe e pɨʼ go nyiwɛh.” Lɨha, lé ó ndɨ é l'efoʼ. Lé nteme, lé ó etie ndɨ é bul bwaʼ ɛ. No ó laa emba, bé e laa le efoʼ, mé edile ó, jwɨʼ gwar. Lɨha, lé ó: “Kpɛlɨ mɨɔ go mʉr mpʉ go lé ekpɛl go mʉr tɨʼ ɨ.”

Motie moba monɨ, mé ó etin e motie mo Moyiz mɨmɛh, ndwe e sikʉlʉ yiyɛh ogwiha o mɨlɔb, bé a dwe e.»

Yesʉs ze ko tɨʼ ó: «Ebe, baa lé ebaŋlɔ ɛ, bé é buo. Sa gwar, baa ndɨ mɨpɛha ɛ, bé ó titia.»

Sa bɨn ndɨ agʉa ɛ, yé ó, é jɔʼ bʉr, bé óbe si pàh é mofoo e, bé aŋa ka bɛa, nkʉ cenɔ é moba. Bé ódi-di ó, mpʉ beengles lé ebɛa di é jobo kʉ ɨ.

Lɛʼla ga me mɔn bɨn lé ejɛna-jɛna tœa e tɨʼ ɨ.» Bé ntɔʼ lɛʼle nye saŋ denie. Yesʉs ntɔʼ dî e be ó: «Dweʼle mpom le die mo zé ndɨ lula é saŋ wiʼ ɨ?» Bé e nye ó: «Yé ó byaa mo Kɛɛza!» Nye e be ó: «Ebe no, dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»