Popularne wersety biblijne z 1 Tesalonicenses 1

Udostępnij

Ñenquiiꞌcheⁿ na cwiñeꞌquiaayâ na quianlꞌuaaꞌ Tyꞌo̱o̱tsꞌom cantyja ꞌnaⁿꞌyoꞌ na chaꞌtsondyoꞌ. Cwijaañjoomꞌ nꞌo̱o̱ⁿyâ ꞌo quia na cwilana̱a̱ⁿyâ nnoom. Tyootsuuꞌ nꞌo̱o̱ⁿyâ ꞌo jo nnom nquii Tsotya̱a̱ya na jeeⁿ xcweeꞌ nꞌomꞌyoꞌ na cwilaꞌyuꞌya nꞌomꞌyoꞌ. Joꞌ chii jndye tsꞌiaaⁿ na ya cwileitquiooꞌ na cwilꞌaꞌyoꞌ. Ndoꞌ jeeⁿ cwiqueⁿya nꞌomꞌyoꞌ na cwiteiꞌjndeiꞌyoꞌ ncꞌiaaꞌyoꞌ ncꞌe na wiꞌ nꞌomꞌyoꞌ joona. Ndoꞌ tîcaꞌndyeꞌncꞌuaaꞌndyoꞌ na wiꞌ na cwitjomꞌyoꞌ ncꞌe na ntyjaaꞌ nꞌomꞌyoꞌ Ta Jesucristo.

Joꞌ chii mati ꞌo macwitsantyjo̱ꞌyoꞌ chaꞌxjeⁿ na cwilꞌaayâ. Ndoꞌ maluaaꞌ, macwitsantyjo̱ꞌyoꞌ naxeⁿꞌ nquii Ta Jesucristo. Ncꞌe joꞌ na tquiaa Espíritu Santo na jeeⁿ neiⁿꞌyoꞌ meiiⁿ wiꞌ ñelꞌa nnꞌaⁿ tsjomꞌyoꞌ jnda̱ na toꞌñoomꞌyoꞌ ñꞌoom naya na tyoñequiaayâ nda̱a̱ꞌyoꞌ.