Popularne wersety biblijne z Mattaayo 24

Udostępnij

Toro la jeenteti hugunꞌdarri ibuuraattuu, ꞌdooꞌdi ittaawe ꞌdooninti us Waakh ꞌdoono a nuglaatta. Iꞌdaasenyi eti garrahsate ichoowka sinata ꞌdubiche eleele a lariba.

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Yaafohi isdiho ichoow worassi ibuuhine dihoyyoot a daagtaan, iꞌdaasenyi taba iicho atin kanahin. Wahanyeyyoha a sooyateehiine, iꞌdaasenyi ibeenki yomboot uliba a ankhanyahe on.

Sirgaalle a isdihta, karnato laka isdihaane, ilassi ittaawe ka nabhayye tamiite, harra laka sesseehta. Wahaas tuumman a chiis birriissa on.

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u. Maantaas ꞌdooꞌdi buure kakhuufnaanki icho ani ikakhuufaan a kanokhta, dahanohi chiiyeet isgessa, toro la isꞌdiiꞌdaan. ꞌDooꞌdi ittaawenye ꞌdooꞌdi Waákh íyeyyeedo iskaayyeelo a buuraata, ꞌdooꞌdi ittaawe ekkeesta.

Yeesso wihi us ilaabe, “Yuubsada, uus etoo kalday laka atin ekkeysan!

ꞌDeerka atin laka toorribda giꞌde iꞌdi tahe Ínam Aadam sahaꞌddi liikamurine yamiite.

“Maantaka toorribda, a mehe ibeenki Kamuriin yamiit ma garattaanee.

“Aabbaheey on menye, et maantaas ommos sahaꞌddaas garti mele. Herti Waakhe goobi Waakh fiddiito ommos Ínam Aadam laka ma gartaan.

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Iꞌdi goorat ibeenne Noowa eheet, iche ibeenki Ínam Aadam yamiit laka yateeh. Iꞌdi tahe geeddi goorat ꞌduley harra ikhaatin, enenyet iꞌdi orrankateet u a golossate one, minan laka laaddiste ichoowka Noowa koobanhi buure goya gele. Wihi sooyateeh ma abanne ichoowka icho tuumman ꞌduley khaate. Emeet Ínam Aadam ka laka iꞌdaas on tateeh.