Festotaj Jerusalempi qhepakorqa pusajtachus, chayrí chunka diatachus; chaymantataj Cesareaman uraykorqa. Q'ayantimpachataj, juzgadopi tiyaykukuspa kamacherqa Pablota ñaupaqenman pusamunankuta. Pablo yaykumojtintaj, judíos Jerusalenmanta jamojkuna Pablota muyuykorqanku. Ch'ataykuytataj qallarerqanku tumpaspa jatuchaj juchasmanta, manataj Pablota uyanchayta aterqankuchu.