Popularne wersety biblijne z Deuteronomio 30

Udostępnij

Gihimo kong saksi karon ang langit ug ang yuta nga kamo gipapili ko sa kinabuhi o kamatayon, sa panalangin o katalagman. Busa pilia ninyo ang kinabuhi aron kamo ug ang inyong mga kaliwatan molungtad. Higugmaa ang GINOO nga inyong Dios, alagari siya ug ayaw kamo pagbulag kaniya. Kini makahatag unya kaninyog kusog ug taas nga kinabuhi inigpuyo ninyo sa yuta nga gisaad niya sa inyong katigulangan nga si Abraham, si Isaac ug si Jacob.”

Kon tumanon ninyo ang mga sugo sa GINOO nga inyong Dios nga gihatag ko kaninyo karong adlawa nga mao ang paghigugma sa GINOO nga inyong Dios, ang pagsunod sa iyang kabubut-on ug pagbantay sa tanan niyang mga sugo, mahimo kamong lig-on ug modaghan pag-ayo ug panalanginan kamo niya sa yuta nga inyong gipadulngan aron mainyo kini.

“Karong adlawa pagpili kamo niini: kinabuhi ba ug kauswagan o kamatayon ba ug katalagman?

Duol ra kaayo kini kaninyo. Anaa ra kini sa inyong baba ug kasingkasing busa makatuman kamo niini.

Bag-ohon niya ang kasingkasing ninyo ug sa inyong mga kaliwat aron higugmaon ninyo siya sa bug-os ninyong kasingkasing ug kalag aron kamo mabuhi.

Himoon kamong mauswagon sa GINOO sa tanan ninyong paningkamot. Mosanay kamo ug ang inyong kahayopan ug modaghan ang inyong abot. Ikalipay niya ang paghimo kaninyong mauswagon ingon nga gikalipay niya ang pagpauswag sa inyong mga katigulangan

Apan kon inyong isalikway ang akong mga sugo ug madani kamo sa pagsimba ug pag-alagad sa laing mga dios, sultihan ko kamo karon nga mangamatay gayod kamo. Mubo lamang ang inyong kinabuhi sa yuta nga inyong panag-iyahon iniglabang ninyo sa Jordan.

“Dili lisod ang gihatag ko kaninyong sugo karong adlawa.

Wala kini didto sa langit busa dili kamo makaingon, ‘Kinsa may moadto sa langit aron pagkuha niini alang kanato aron kita makadungog ug makatuman niini?’

Wala usab kini didto sa tabok sa lawod nga moingon kamo, ‘Kinsa may motabok aron pagkuha niini aron makadungog kita ug makatuman niini?’