Popularne wersety biblijne z Joroma 8

Udostępnij

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

Kole aŋeyo maber ni kada tho, kosa kwo, kosa jomalaika, kosa jodhum ma polo, kosa gima pama, kosa gima bino rumacen, kosa meni moro, kosa ŋawirok pa gimoro, kosa thutho pa gimoro, kosa gimoro je i cwec, kinyal poko wan gi mar pa Were i Kristo Yesu Rwodhiwan.

I royo acel no bende, Cuny Maleŋ konyo wan i nyapo mawan; rupiri wakuya paka waripo kwayo; aka Cuny won ama pido riwan bongi Were gi cur ma wac kinyal tuco.

Onyo wanyalo waco aŋo kwoŋ gigipiny me? Ka Were nitie yuthenge mawan, ŋata nyalo lwenyo gi wan?

Pama onyo kidok kethi banja kwoŋ jomakwo pajo nitie i Kristo Yesu

Ketho paro i gigipiny manyadel meno tho, to ketho paro i gigipiny manyacuny meno limo kwo kodi siem.

I gigipiny me je, watieko loyo lweny i go m'omaro wan!

Atero ni candirok ma pama kirom gi dwoŋ m'ibino nyutho wan be.

Ŋa m'opok wan gi mar pa Kristo? Teko di tim ameno, kosa aŋedha cuny, kosa acanda, kosa kec, kosa bedo kinyoro, kosa tho, kosa abor?

Aka Were ma neno cuny ji, oŋeyo paro pa Cuny, rupiri Cuny pido bongi Were ri ji pere paka Were mito.

Ato joma Cuny Maleŋ pa Were ama telo jo ama jobedo nyithindho pa Were.

Kole joma tero kwo pajo i timo gima del yenyo joketho paro pajo i gigipiny manyadel. Aka joma miyo kwo pajo i timo gima Cuny yenyo joketho paro pajo i Cuny.

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Meno meni pa Cuny no ama nyutho wan i cuny wan ni wabedo nyithindho pa Were. Aka ka wabedo nyithindho pa Were, meno bende wabedo jolunji gigipiny pere paka jom'isika kanyacel gi Kristo, aka wabende wabino limo dwoŋ kanyacel gi Kristo, ka bende wariwere gi go i candirok pere.

Meno am'omiyo paro m'oketh kwoŋ gigipiny manyadel lokere jakwor pa Were, rupiri kiwinji cik pa Were, aka iy'adieri go kitim ameno.

Cwec gipi kiyo neno gima Were bino nyutho nyithindho pere.

Kole waŋeyo kiri gunyo ni cwec gibe cur gi litho ma cale gi ŋedi.