Popularne wersety biblijne z Joroma 16

Udostępnij

Aka Were ma miyo wan siem, bino ŋinyo woko Sitan i par tiendi win i yoto. Nema pa Rwodhiwan Yesu Kristo wobedi gi win.

Wutmera, agoyo riwin koko ni kure win kwoŋ joma kelo pokirok aka jogeŋo riwin royo gi gim'opokere kodi fonji ma witieko jolo; eye win kwoŋ jo.

Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

Weyi wamiy Were dwoŋ manyalo miyo wicungo matek i yeyo, i Wac Manyen Maber m'afonjo win, mikwenda kwoŋ Yesu Kristo, kodi kwoŋ nyutho adieri manyaliŋliŋ m'onwaŋo opan oro kweth m'okadho. To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji. Ri Were manitie acel kende mariek, luwo i Yesu Kristo, dwoŋ wobedi rigo cil gi cil. Ameno.