Popularne wersety biblijne z Khuurakikha 42

Udostępnij

Lwanyuma beelomela bonyene na bonyene bari, “Ilala bino byeesi khuli khuutaambisibwa bino, khulikho khutaambisibwa lweebyo byeesi khwakhola khu waandaayeefwe. Ifwe khwabona butsiina bweesi aabiramwo nga n'akhwikoontselela, ne khwaalekha khwiinaanayo ta. Isho nisho shishikilile buwaangafu buno bwoosi bukhwoolilekho buri.”

Khu mbuka iyo, Yusufu niye uwaba gafana wa Misiri yoosi, naluundi uwaba nga aloolelela bye khuukulisa babaandu babaama buli aandu oosi biilyo. Nashiryo babaandaaye nabo nga boolile, baatsya isi ali, baafukhamila nga beenamisa kimirwe kyaabwe aasi khwiloba.

Ne Yusufu ni aababona, waabamanya buulayi, ne wekholisaka busa nga ukhabamanyile ta. Kila abareeba ni buurafu buukali ari, “Inywe mwaama waheena?” Nabo baamwiilamwo bari, “Ifwe khwaama mu shibala sha Kanaani, khweetsile khuukula biilyo.”