Popularne wersety biblijne z Khuurakikha 25

Udostępnij

Umukasya waamwiilamwo ari, “Mu shisoombo shoowo mulimo kamanaambo kabili. Ukhasaale babaana babili, babaakhaamemwo kamanaambo kabili, kakaakhaalobe khuwaambakana ta. Mutweela khu nibo akhaabe uwe kamaani khuufuura uwashe, n'umukhulu akhaabe umwakaanisi w'omukyeekhe.”

Kila alomela Yakobo ari, “Intsala yaantsira! N'umbekho supu woowo umurandaafu uyo khaangu!” (Isho shaakila lisiina lyeewe baamulaanga bari Edomu.)

Lwekhuuba Rebeka aamalakho imbuka ndeeyi nga waakhusaala umwaana ta, shaakila Isaaka waaloomba isi Umukasya khulw'omukyelama weewe. Aryo Umukasya weelamwo khuuloomba khweewe, umukyelama weewe waaba shisoombo.

Esawu waamwiilamo ari, “Bona ise ari intsya khufwa, kumukabo kwe khuuba umwaana umukiboole kunanjeetakho shiina?” Ne Yakobo waamwiilamwo ari, “Nyoowa untsitsubile nio.” Aryo Esawu wetsuba shishitsubo she khuukulisa isi Yakobo kumukabo kweewe.

Umwaana uwe khaabili khuurura, aarura nga waakuumiile luundi woomiisile isukunyi iya waandaaye Esawu. Niye baamutwiikha lisiina bari Yakobo. Isaaka aaba nga oolesa kimiiko kamakhumi kasesaba kye buukhulu isi babaana bano baasaalikhila.

Isaaka waaba nga akana naabi Esawu, lwekhuuba aalyatsaka tsinyama tse tsisolo tse mwirome tseesi aamureeratsakila, ne Rebeka niye waakana naabi Yakobo.