Popularne wersety biblijne z Roma 12

Udostępnij

Hèmohina jio emanyiti huno afau ana, ati ijiara Hollum iloit atajia hatai te esiarana honyi jihatai egigilita aŋejuho. Tania, iremehina adi itai imijana erre hunna awak inyi…erre hunno oyiji, hunno omuno inyi buo fe ottubai.

Ihuania, illarak iko haniyarak hoŋ, ta abolori ono amehino Hollum jihohoi, attana ni itai; isiatta ahuattek hatai jio Hollum ihuo esiorita hunne isui, hunno olibori, hunno omuno Hollum. Nyio, etahabuyo ania hode enne iremehina itai isiarana jio Hollum.

Ijiara eyihina hatai odulo itamunoyo itai, odihuna ettigemita hatai, oduloro amojo.

Hèlaha arrohoji agalik itai, ati agalihina arrohoji te ehanio hirre ayijok.

Ijiara abuaran taji hatawana ihiji hatai ihuo Kristiani. Abaŋata ahuattek hatai ta amuno.

Ijiara abuaran tajia hatai hétera luŋa hode. Oliwatti erre arrohojak; ogolihina jio ayijok.

Okiamata etoŋo te nelik tajia iko aati 'daŋ ihuo iremehina itai.

Illarak iko haniyarak hoŋ, hènionoti, ati ijiara ajore Hollum inienu. Nyio, ojio Abuk Hollum jio, “Ojio Lamonye, enienu adi ni hia 'daŋ hulle ihanie 'to onno orroho jio aati hoŋ.”

Igiamati bebe, hèboyojoto. Igiamati jio Lamonye ta atajia hatai 'daŋ.

Ta ayiji enne isiarak Hollum jihoŋ, eramak ni itai 'daŋ ababo jio: Hètallaŋara akafio huattek hatai. Ati, igigiloti onno oyyu, oŋototo eram hatai 'daŋ ababo ihuo oremik inyi jio eruk enne isiarak Hollum jihatai.

Elle ihan obo onno orroho jihatai, hènienuna inyi ta arrohoji. Ihaniete erre hunno oyiji 'to 'daŋ to hosiere waati.

Amanyati onno oyyu iko aati 'daŋ, hètadarati, ati orriahati iko afiahajak. Hègigiloti jio ilofiorojoto itai igalihina aati hullomuk.

Ati, ihuo ojio Abuk Hollum jio, “Alla aniama amiottononi hoi, isiarak jihonyi aŋiyo; elle iboto inyi, isiarak jihonyi aari. Elle ihanio iyye ihuo nyia, itanyahi adi iyye inyi ariri.”

Omojonia ayiji jio hia hulle ittigemie 'to itai…ayiji buo obiaŋara epit. Omunoti iko hia hullo omunoi 'to, ijiriŋati buo fe iko hia hulle ijiriŋai 'to.

Aharata asaŋ hatai iko Kristiani hullo obeŋi hirre. Ifuotuna atamonok ihaŋitek hatai.

Ewon iko aŋacio huattek arriai hunno olufaji, buo fe egemita hosi 'daŋ olufaji. Ihuo nyia buo fe, duadi bu eluaja, era ahuan abotie te enoso iko Kristo. Enosonio arabotie ihuo aŋacio hunno olufaji 'to huno ahuan abotie.