Popularne wersety biblijne z Roma 1

Udostępnij

Abeŋ ni luŋa eloriri te eram ono Asayyo Ayijok! Ekoi ono agolon Hollum ania, enne italahunierek aati 'daŋ hulle iruhi 'to. Aati Yudei do ahosiere attati buo fe Alufajak.

Nyio, itahutani Asayyo Ayijok aŋai itabisak Hollum aati ajihonyi. Ara inyi te eruk ijiai, ihuo igioroni Ibuk Hollum jio, “Isu adi luŋa atulo elle itabisani jio Hollum te neruk.”

Many berien ninyia oyyeuniere Hollum nedou iko nafau, oremehini aati mijana 'tel 'tel jio obeŋ agolon honyi otuhoro, buo fe jio ara inyi hode Hollum. Oremehini aati imijana erre hunia, te erre 'daŋ hunyia oyyeu inyi. Tania, obeŋ obo eliet jihosi 'tuŋ!

Omijani isi Hollum, ati obeŋi isi abaŋi inyi ihuo Hollum buo fe obeŋi isiori jihonyi ahumo. Ati obeŋi luŋa egigilita hosi obisi, itiriohi buo fe ossi hosi hunno orrohoji 'to hunia.

Iloiti isi nelahode ono Hollum agesemi, ette itahabuyo buo fe igiamai jio erre hunno oyyeu Hollum, buo idehini Layyani ollo ojiori oŋida itahabuye 'tulaŋ 'tulaŋ! Amen.

Italeyehi Hollum ajore honyi tedou jio aati 'daŋ eyyak iko epalak, hulle itihotie 'to elahode jio aati te ekotia hosi hunno orrohoji 'to.

Te ehanio hosi erre hunia, inyi onno obusaniere Hollum isi jio esomiti hunia. Abalarik aŋoruo hosi ahuattek iko aŋoruo ihuo isi, buo idehini ekoi onno oyyehiniere Hollum isi. Ihuo nyia buo fe idehini aliawa aŋoruo buo abalarik ahuattek hosi. Ihanie isi erre somon jio ahuattek hosi isi hama, tania, iyaŋunie isi jio ahuattek hosi ettigemita hunno osiruni 'to te epalita hosi hunia. Te ehara hosi eram Hollum, inyi onno obusaniere Hollum isi jio ossi hosi hunno omuyahi 'to hunia; oŋida isi ihanie erre hunno obeŋi 'to osiruni jihosi ihaniere.

Ojiori isi jio elofioro isi, ati obeŋi isi ossi. Idehini isi etahabuyo Hollum elle isu 'to 'tulaŋ, buo ette ihuhumuna arrijiorita hirre hunno oremehini 'to ye, hunne iyyaluni atulo, kuyya aheny, kuyya aciaŋi, kuyya asaŋ hunno oretiai 'to retia, ette itahabuyo isi.