Popularne wersety biblijne z Эвел 9

Udostępnij

Заанури гъапи: – Узу гьаргандиз, насларилан наслариз учвухъди ва вари чӀивибдихъди гъийитӀу му йикьрарнан лишан магьа: Узу дюньяйин агьларихъди гъийитӀу йикьрарнан лишан вуди, дифариин Йиз гъяд – деккучӀимир дебккраза.

ДеккучӀимир дифарин арайиъ ачмиш хьибди – думу Узуз рябкъидизуз ва, дюньяйин вари агьларихъди гъахьи Йиз гьаргандиз вуйи йикьрар кӀваин апӀидиза.

Шли адмийин ифи удубзиш, гъит гъадгъан ифира жарари удубзри, фицики адми Заануриз ухшар вуди дапӀнайир ву.

Заанури Нюгьна дугъан баяр ужувлакк ккаъру хъа кӀуру: – Бегьерлу ва артухъ йихьай ва жил алабцӀай.

Вари гьяйванатар учвуз хурагди, муганайиз вари чрушин тувганси, тувразачвуз.

Гъит гучӀ ибшри, гъит гукӀниди юкӀв утӀубччвури ишбри учвхьан жилин вари гьяйванатариз, завун вари ничхрариз, жилин вари чӀивишнариз, гьюлерин вари балугъариз – мурар вари ичв хилариз тувна.

Бегьерлу ва артухъ йихьай, дюнʼя алабцӀай ва артмиш йихьай.