Popularne wersety biblijne z Itiruye 32

Udostępnij

Ti ande Isirela nung baa, Musa na som ci kiye utáen rikwèn, aba funn atso uwe Aruna u ri baa, “Nwunn! Kyae na ti iken iki ti ru Rimam, ti awu ā tae ti. Ana Musa unde ti pu ti ruye Ejib, ati nung-ti iken ti tu wu be.”

Yaweh ri te Musa baa, “Kafe si. Ande-fu aba ti afu pu ruye uwae uten Ejib sor ndembeb pu ba. Ti ritsen, aba kafe isim ta pu ba icwe-m ti ame nda ba ti a na putsa. Aba kyae na ijwe-ba imbae indag, u ku fen wu, u ku yer wen iken na wu ku ri baa, ‘Awune ti pu Isirela ruye uwae uten Ejib!’

Ti Aruna sae iken yine, awu mbye kuta tsi uwe imbae indag wu, u ri baa, “Ucwe, ati u nde ukwab na Yaweh.” Ti ucwefam kiskinn fifae, ande ba nwunn u yerwen ibye, u twen rinyangwae ikentitwen, u pu rinyangwae risu ti ren ba. Isim-yi, ande ba som riben ku ci, ku ngwa, ama nwunn ku nde uru.

Ucwe fam-yi, Musa ri te ande ba baa, “Ani nde pu ni ikentitibi ti beb timambe. Tine, ame u kafe tso yi utáen rikwèn, uwe Yaweh kaa jwam wu ikibe awu u yata na ni ikentitibi-ni.”