Popularne wersety biblijne z Itiruye 15

Udostępnij

ama ri baa, “Asiti ani a nae risu riben na m Yaweh, Rimam-ni, u nde iken ti pang atang, ama u putsa iken ti kwen ti icwe-m, ame u yaen itso acaeb iki ti ame yaensi ande ti Ejib si-m ani be. Ikyaen ti, ame si Yaweh ti ku nwangru ni.”

Yaweh ti si kpakang-m, awu ti ame ku yang akyang-m risu-wu. Awu si Rimam-m. Awu ti nwangru m. Ame u teb rinyi Rimam na itse-m. Ame u yetso rinyi-wu.

“Yaweh, aye ti si pangma afu uwae apxin meme? Aye ti te fu pang atso uwae riyinn na itisaenkyag-fu? Uwae kuko-fu, afu ku nde iken ti ku fur ayib.

“Uwae ure-fu ti tsi kukunn, afu tae ande-fu, aba ti afu nwangruye ti kpakang-fu, afu tae ba ku ru yi uwog ti saen kyag-fu.

Ti aba ka sang Mara, aba tu ambyi. Amaa aba ngwa tu-ba ambyi wu be, ikyaen ti, awu nungag. Nee iken ti nde a ku kunn uwog wu baa, Mara. Ama ande ba pwen unju risu Musa, baa “Imi ti ati u ngwa.” Musa jwub ira tu Yaweh, ama Yaweh tso wu kutuku iki. Musa kyeb wu, u sa jwunnsi uwae ambyi wu. Ama ambyi wu kafe u nyang ti ngwa. Yi Mara atang, Yaweh nda ba icwe, u tso ba fengo ti a putsa. Atang, awu myae kubenti-ba