Popularne wersety biblijne z aMatiyu 14

Udostępnij

Amma nizen a tá fok kuwun'e tá fe̱se̱m a fok inyim, ne a san ku wei kaye̱e̱r ashi'me yong a tá kukun ye, “Atekasa, ni shesh!” aYeso wor a nabak kubo̱k zizirik a tú ku ko̱ro̱k. Ne a fe̱ be wu ye, “Wan afe kuno̱o̱k katsak wan ta gop baꞌ. Akye̱ sak riye̱ wan se gak e̱?”

Amma nizen a tá fok kuwun'e tá fe̱se̱m a fok inyim, ne a san ku wei kaye̱e̱r ashi'me yong a tá kukun ye, “Atekasa, ni shesh!”

aYeso wor a fe̱ be ba ye, “Na ka tsesek yin, mi'ong. Sang yin tu fok yin inyim baꞌ.”

Ayong aBitrus fe̱ be wu ye, “Atekasa, ke aner'e nye wan ne i fe̱ be nong mi tá be̱ nufuan natoon ashi'me.” aYeso fe̱ be wu ye, “Be̱.” Ayong aBitrus wuruk kaye̱e̱r kukpara ashi'me a ta san kutseng natoon ashi ame a be nufe aYeso.

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aYeso fe̱ be ba ye, “Sang ma ba tseng baꞌ. Yin ku no̱o̱k yin ba ike̱ng ikak nong á ta ya.” Iyong alimazhiri'me fe̱ be wu ye, “Yir be yir agbang abiredi atoon be izos ifa aze tsek.”

aYeso fe̱ be ba ye, “Ni no̱o̱k yin aze.” Ne aYeso fe̱ be ánerawe'me ye á ra sosok kaben natoon agam. A sok ágbang abiredi atoon ame be izos ifa'me, a tá sok rice naza a tá tonong riye̱ rikan wu be Adakunom ne a te̱se̱ng. Ne a no̱o̱k álimazhiri wu nong álimazhiri wu'me ta kasap ánerawe'me.

Ánerawe'me cice̱r ya ma á whas, ne álimazhiri'me bun á tusung ribir'e ife i tú ku tuk ma ishining iderse kuso̱ be afa.