Popularne wersety biblijne z Pigane Binigo 26

Udostępnij

Í̱ dindi ogoriani pu kegola i̱na í̱ baya hangu handayaho howa í̱ biamogo bialu holebero. Dindi ogoni bibahende í̱hondo ngialu í̱naga aguanene mani holebiraru tihondobi mulebero. I̱na í̱ aba Abarahamahondo lo wirugo lola helo ani ngulebero.

Ani bialu mani í̱ waneigini aguaneneru dewaore harini yakundi dagalabe nahe bu karunidagua i̱na mo dewa holebero. Dindi o kegonibi bibahende tihondo miai holebero. Ani berogola hameigini dindi tara tarani bibahende holebirarume i̱hondo hale halu í̱ waneigini aguaneneru biamogo bialu mo bayale harudagua tibi nde ani biamogo bialu mo bayale ha lalu i̱hondo bi lolebira. Abarahama ibugua i̱naga bi hale halu bi mana wiwaru baya hangu talialu bialu hayagonaga i̱na í̱ biamogo bialu mo bayale holebero, lene.

Ani buwa Aisaga ibu dindi ogoni wahalu puwa iba uli tebone wene. Ani walu heagola agali biaru tigua lone lai nale hene. Ani wiyago lai nale heagola hondowa Aisagahanda iba uli ogoni mini Bayale Holene laga wini. Wialu howa ibugua lalu, Anidagua larogoni irane Anduane Homogo ibugua ina dindi ogoniha bayale halubi mbirale bayalerubi yu holoma̱ya ngiyada, lene.

Ani piyagola Anduane Homogohanda Aisaga hearia ibuwa ibuhondo lalu, Í̱ Iyibi dindiha pu nabi dindi mbira i̱na í̱ habelo nguleberogoria pu habe.

Ani layagola Aisaga ibugua lomabu delaga dabu mbira dindi o hayadagoriani bia howa Anduane Homogo mitangi bialu lotu lalu hene. Ani bialu ti dindi ogoriani balai anda bu howa ibunaga biabe biaga agali bu hearume iba uli mbira wene.